భారత చలన చిత్ర రంగం ప్రారంభమై 100 సంవత్సరాలు పూర్తి చేసుకున్న సందర్భంగా భారత ప్రభుత్వం ఒక వెబ్ సైట్ ని ప్రారంభించనున్నారు. భారత సమాచార మరియు ప్రసార మంత్రిత్వ శాఖ వారు రూపొందించిన ఈ వెబ్ సైట్ ను ఈ రోజు ఆవిష్కరించనున్నారు. ఈ వెబ్ సైట్ పేరు www.indiancinema100.com. ఇందులో భారతీయ చలన చిత్ర రంగం ఎప్పుడు ఎలా ప్రారంభమైంది? 1913లో తెరకెక్కిన భారతీయ తొలి చిత్రం “రాజా హరిశ్చంద్ర” ఎలా తెరకెక్కించారు? ఇలాంటి పలు రకాల విశేషాలను ఈ వెబ్ సైట్ లో పొందుపరిచారు. అలాగే సినిమా ఎన్నో గొప్ప గొప్ప సేవలందించిన ప్రతి ఒక్కరి వివరాలను మరియు అప్పటి ప్రముఖుల అరుదైన ఫోటోలను ఇందులో పొందుపరిచారు. అలాగే సినీ అభిమానులు తమ అభిప్రాయాలను మరియు సినిమాలకు సంభందించిన విశేషాలను కూడా ఈ వెబ్ సైట్ కి పంపే ఏర్పాటు చేశారు. [email protected] అనే మెయిల్ ఐడికి మీ సమాచారాన్ని సంపాదించవచ్చు. మీరుపంపిన సమాచారాన్ని సినీ పరిశ్రమ మీద అనుభవం ఉన్న ఒక కమిటీ వారు పరిశీలించిన తర్వాత ఆ విషయాన్ని వెబ్ సైట్ లో పొందుపరుస్తారు.