ఎస్ ఎస్ రాజమౌళి తాజా చిత్రం “ఈగ” అన్ని వైపులా నుండి ప్రశంశలు అందుకుంటుంది. కొద్ది రోజుల క్రితం రామ్ గోపాల్ వర్మ,పూరి జగన్నాథ్, హరీష్ శంకర్, దేవ కట్ట, సిద్దార్థ , రామ్ మరియు ఇతర ప్రముఖులు ఈ చిత్రాన్ని మరియు రాజమౌళి పనితనాన్ని ప్రశంశలలో ముంచెత్తారు. ప్రస్తుతం దక్షణాది నుండి ముగ్గురు ప్రముఖులు ఈ చిత్రం గురించి మాట్లాడారు. చెన్నై లో శంకర్ “నాన్ ఈ” చిత్రాన్ని చూశాక “నాన్ ఈ – సూపర్ పడం(నాన్ ఈ – సూపర్ చిత్రం)” అని విజిటర్స్ బుక్ లో రాశారు. ఈ కామెంట్ మరియు అయన సంతకం చేసిన ఫోటో ఇంటర్నెట్ లో తిరుగుతుంది.మహేష్ బాబు ఈ చిత్రాన్ని తనదయిన శైలిలో ట్విట్టర్లో ప్రశంశలలో ముంచెత్తారు. “తెలుగు చలన చిత్ర పరిశ్రమలో “ఈగ” ఒక గొప్ప చిత్రంగా మిగిలిపోతుంది. రాజమౌళి గారికి మరియు అతని బృందానికి శుభాకాంక్షలు. ఈ చిత్రంలో సుదీప్ అద్భుతమయిన ప్రదర్శన కనబరిచారు” అని మహేష్ బాబు ట్విట్టర్లో అన్నారు. నాగార్జున ఈ చిత్రం గురించి మాట్లాడుతూ “ఇప్పుడు నాకు ఎస్ ఎస్ రాజమౌళిలో ఎస్ ఎస్ ఏంటో ఇప్పుడు తెలిసింది. ఎస్ ఎస్ అంటే “ష్యూర్ షాట్” రాజమౌళి. ఇప్పుడు “ఈగ” చిత్రం తెలుగు చిత్ర పరిశ్రమలో మెయిలు రాయిగా మిగిలిపోనుంది” అని అన్నారు. ఈ చిత్రం తమిళ నాడు లో కూడా తనదయిన సత్తా చూపిస్తుంది. మరి కొంతకాలం వరకు ఎటువంటి పెద్ద చిత్రాల విడుదల లేకపోవటంతో ఈగ మరింత వసూళ్లు రాబట్టే అవకాశం కనిపిస్తుంది.