గోవా సుందరి ఇలియానాకి 2011 సంవత్సరం పెద్దగా అవకాశాలు లేకపోవడం, చేసిన సినిమాలు కూడా పెద్దగా ఆడకపోవడంతో ఆమె ప్రస్తుతం రవితేజ సరసన నటిస్తున్న ‘దేవుడు చేసిన మనుషులు మరియు, అల్లు అర్జున్ సరసన నటిస్తున్న ‘జులాయి’ చిత్రాలపై ఎన్నో ఆశలు పెట్టుకుంది. అయితే ఈ రెండు చిత్రాల దర్శకులు గతంలో ఇలియానాతో సూపర్ హిట్ సినిమాలు తీసారు. దేవుడు చేసిన మనసులు దర్శకుడు పూరి జగన్నాధ్ ఇలియానాతో పోకిరి వంటి బ్లాక్ బస్టర్ హిట్ తీసారు. జులాయి చిత్ర దర్శకుడైన త్రివిక్రమ్ శ్రీనివాస్ ఈమెతో జల్సా వంటి కమర్షియల్ హిట్ తీసి చూపించారు. దేవుడు చేసిన మనుషులు చిత్ర షూటింగ్ ఇటీవలే ప్రారంభమవగా జులాయి దాదాపు షూటింగ్ పూర్తి చేసుకొని జూన్లో విడుదలకు సిద్ధమవుతుంది. వీరిద్దరూ కలిసి ఇలియానాకు పూర్వ వైభవం తెస్తారో లేదో వేచి చూద్దాం.