యంగ్ రెబల్ స్టార్ ప్రభాస్ నటిస్తున్న హై వోల్టేజ్ యాక్షన్ థ్రిల్లర్ ‘రెబల్’ ప్రస్తుతం రామోజీ ఫిలిం సిటీలో షూటింగ్ జరుపుకుంటుంది. ఈ చిత్ర షూటింగ్ చివరి దశకు చేరుకుంది. ఈ షెడ్యుల్ పూర్తవగానే పోస్ర్ ప్రొడక్షన్ పనులు ప్రారంభమవుతాయి. తమన్నా మరియు దీక్షా సేథ్ హీరోయిన్స్ గా నటిస్తున్న ఈ చిత్రాన్ని ఈ ఏడాది వేసవిలో విడుదల చేయడానికి సన్నాహాలు చేస్తున్నారు. లారెన్స్ డైరెక్ట్ చేస్తున్న ఈ చిత్రానికి తమన్ సంగీతం అందించాల్సి ఉండగా తమన్ ఈ ప్రాజెక్ట్ నుండి తప్పుకోవడంతో స్వయంగా లారెన్స్ మ్యూజిక్ అందిస్తున్నారు. ఆయన గతంలో నాగార్జున నటించిన డాన్ సినిమాకి సంగీతం అందించారు. బ్యాంకాక్ మరియు ఇతర లోకేషన్లలో అధ్బుతమైన స్టైలిష్ ఎపిసోడ్స్ చిత్రీకరించారని సమాచారం. ఈ చిత్రాన్ని జే. భగవాన్ మరియు జే. పుల్లారావు సంయుక్తంగా నిర్మిస్తున్నారు.