తెలుగులో దాదాపు అందరు అగ్రతారాలతో నటించడమే కాక మహిళా ప్రాధాన్యమున్న సినిమాలలో కూడా ఛార్మీ నటించింది.తన కెరీర్ మొత్తంలో ఆమె ఖాతాలో చెప్పుకోదగిన హిట్ లను జమచేసుకోగలిగింది
ప్రస్తుతం ఆమె మరో మహిళా ప్రాధాన్యమున్న సినిమాలో నటిస్తుంది. ఆ సినిమానే ‘మంత్ర 2’. ఇటీవలే ప్రారంభమైన ఈ సినిమా షూటింగ్ శరవేగంగా జరుపుకుంటుంది. ఈ సినిమా హర్రర్ నేపధ్యంలో సాగనుంది గనుక షూటింగ్ ఎక్కువగా రాత్రి వేళల్లో జరుగుతుంది. దీని గురించి ఈ భామ మాట్లాడుతూ “నేను సాధారణంగా రాత్రి వేళల్లో షూటింగ్ లకు దూరంగా వుంటాను. కానీ ఈ సినిమా స్క్రిప్ట్ ప్రకారం రాత్రిళ్ళు మాత్రమె చిత్రీకరణ జరుపుకోవాలి. కాబట్టి నేనేం ఆంక్షలు విధించలేదు” అని తెలిపింది
ఆమెకు ‘మంత్ర 2’ లో నటిస్తుండడం బాగా నచ్చిందట. ఈ సినిమాతో ఎస్.వి సురేష్ దర్శకుడిగా పరిచయంకాబోతున్నాడు. బోనాల శ్రీకాంత్ మరియు రవితేజ ఈ చిత్రానికి సంయుక్త నిర్మాతలు
