యూఎస్ మార్కెట్ లో 3 మిలియన్ దిశగా “కాంతార 1”

కన్నడ స్టార్ నటుడు రిషబ్ శెట్టి హీరోగా రుక్మిణి వసంత్ సాలిడ్ రోల్ లో రిషబ్ శెట్టి స్వీయ దర్శకత్వంలోనే తెరకెక్కించిన అవైటెడ్ చిత్రమే “కాంతార చాప్టర్ 1”. మంచి అంచనాలు నడుమ రిలీజ్ కి వచ్చిన ఈ సినిమా వాటిని అందుకొని ప్రపంచ వ్యాప్తంగా ఆల్రెడీ 300 కోట్ల క్లబ్ లో జాయిన్ అయ్యి సెన్సేషన్ ని సెట్ చేసింది. ఇక యూఎస్ మార్కెట్ లో కూడా మంచి రన్ లో ఈ సినిమా దూసుకెళ్తుంది.

ఇలా నార్త్ అమెరికా ప్రాంతంలో ప్రస్తుతం 2.7 మిలియన్ డాలర్స్ గ్రాస్ వసూలు చేసి 3 మిలియన్ డాలర్స్ క్లబ్ లో జాయిన్ అయ్యేందుకు దూసుకెళ్తుంది. ఇలా మొత్తానికి కాంతార చాప్టర్ 1 మాత్రం సాలిడ్ వసూళ్ళతో అదరగొడుతుంది అని చెప్పాలి. ఇక ఈ చిత్రానికి అజనీష్ లోకనాథ్ సంగీతం అందించగా హోంబళే ఫిల్మ్స్ వారు నిర్మాణం వహించారు. అలాగే ఫ్రాంచైజ్ నుంచి మరో సినిమా ఉన్న సంగతి తెలిసిందే.