నెలలు గడుస్తున్నా.. కరోనా వైరస్ ఇంకా వేగంగానే వ్యాప్తి చెందుతోంది. సెలబ్రెటీలను కూడా వదిలిపెట్టకుండా వర్గభేదాలను కూడా చూడకుండా అది అందర్నీ కమ్మేస్తూ.. తన విశ్వరూపాన్ని చూపించుకుంటూ ముందుకు పోతుంది. నిన్న బాలీవుడ్ హీరో అర్జున్ కపూర్ కు కరోనా పాజిటివ్ వచ్చిన సంగతి తెలిసిందే. ఈ విషయాన్ని అర్జున్ కపూరే అధికారికంగా ప్రకటించాడు. అయితే తాజాగా అర్జున్ కపూర్ ప్రియసి మాజీ ఐటమ్ బ్యూటీ మలైకా అరోరాకి కూడా కరోనా సోకింది. ఆమెకు కూడా కరోనా వచ్చిందని.. మలైకా సిస్టర్ అధికారికంగా తెలిపింది. అయితే ఆమె ఫ్యామిలీకి మాత్రం కరోనా సోకలేదు.
ఇప్పటికే రాజమౌళి అండ్ అయన ఫ్యామిలీతో పాటు బాలీవుడ్ లెజెండ్ ‘బిగ్ బీ అమితాబ్ బచ్చన్’ కుటుంబంలో అందరికీ కరోనా పాజిటివ్ గా నిర్ధారణ అయి.. వారంతా ఆ మహమ్మారి బారిన నుండి బయట పడ్డారు. అలాగే డైరెక్టర్ తేజ, నిర్మాత దానయ్య కూడా కరోనా నుండి పూర్తిగా కోలుకున్నారు. ఇక స్టార్ హీరో అర్జున్ కుమార్తె నటి ఐశ్వర్య అర్జున్ కి కూడా కోవిడ్ 19 పాజిటివ్ గా నిర్ధారణ అయి.. ఆమె కూడా కరోనాని జయించింది. ఏమైనా దేశంలో కరోనా మహమ్మారి వ్యాప్తి రోజు రోజుకూ పెరుగుతోంది. అన్ని వర్గాల ప్రజల పై తన ప్రభావాన్ని చూపిస్తోంది. ఎంతో జాగ్రత్తగా ఉంటూ కరోనా పై పూర్తీ అవగాహన ఉన్న ప్రముఖులకి కూడా కరోనా పాజిటివ్‌గా నిర్ధారణ అవ్వడం ఆందోళనకు గురి చేస్తోంది. కరోనాతో జీవితాల్లో చాల మార్పులు రానున్నాయి.
