క్రియేటివ్ డైరెక్టర్ సుకుమార్ తన తరువాత సినిమాని అల్లు అర్జున్ తో చేయబోతున్న విషయం తెలిసిందే. ఈ సినిమా షూటింగ్ ఇప్పటికే మొదలైంది. శేషాచలం అడవుల్లో జరిగే స్మగ్లింగ్ నేపథ్యంలో ఈ చిత్రం ఉండనుంది. ఇందులో విలన్ గా తమిళ స్టార్ నటుడు విజయ్ సేతుపతి నటించనున్నారు. విజయ్ సేతుపతి ఇందులో ఫారెస్ట్ ఆఫీసర్ పాత్రలో కనిపించనున్నారని షోషల్ మీడియాలో వార్తలు వస్తున్నాయి. కానీ, ఈ వార్తల్లో ఎలాంటి వాస్తవం లేదని తెలుస్తోంది.
ఇక ఈ చిత్రంలో బన్నీకి జోడీగా వరుస విజయాలతో దూసుకుపోతున్న రష్మిక మందన్న కథానాయికగా నటించనుండగా దేవి శ్రీ ప్రసాద్ సంగీతం అందించనున్నారు. ‘రంగస్థలం’ సినిమాతో సూపర్ హిట్ కొట్టి టాప్ డైరెక్టర్ గా తన స్థానాన్ని సుస్థిరం చేసుకున్న సుకుమార్, రంగస్థలం లాగే ఈ సినిమాతో కూడా సూపర్ హిట్ కొడతాడేమో చూడాలి. అలాగే ‘అల వైకుంఠపురములో’ లాంటి భారీ బ్లాక్ బస్టర్ తర్వాత బన్నీ ఏరి కోరి సైన్ చేసిన ప్రాజెక్ట్ కావడంతో ఈ చిత్రంపై భారీ అంచనాలున్నాయి.
