విక్కీ డోనర్ తో హిందీలో హిట్ అందుకున్న యామి గౌతమ్ బాలీవుడ్లో మరో బంపర్ ఆఫర్ కొట్టేసింది. త్వరలోనే ప్రభుదేవా దర్శకత్వంలో అజయ్ దేవగన్ హీరోగా ఓ సినిమా మొదలు కానుంది. ఈ సినిమాలో అజయ్ దేవగన్ సరసన యామి గౌతమ్ హీరోయిన్ గా నటించనుంది. ఈ సినిమా స్టొరీ, సినిమాలో తన పాత్ర ఏంటో ఇంకా తెలియకపోయినా యామికి మాత్రం ఇది బిగ్గెస్ట్ బాలీవుడ్ ఆఫర్ అని చెప్పుకోవాలి. యామి హీరోయిన్ గా చేస్తున్న సెకండ్ హిందీ సినిమా ‘అమన్ కి ఆశ’. ఈ సినిమాలో అలీ జాఫర్ హీరోగా నటిస్తున్నాడు.
ఇంకా టైటిల్ ఖరారు కాని ప్రభుదేవా సినిమా జూలై లో సెట్స్ పైకి వెళుతుంది. ముగ్గురు హీరోయిన్స్ ఉన్న ఈ సినిమాలో యామితో పాటు సోనాక్షి సిన్హా కూడా ఎంపిక కాగా మరో హీరోయిన్ కోసం అన్వేషణ జరుగుతోంది. ఇదిలా ఉంటే ఇటీవలే విడుదలైన ‘గౌరవం’ సినిమా తర్వాత యామి గౌతమ్ ప్రస్తుతం నితిన్ సరసన ‘కొరియర్ బాయ్ కళ్యాణ్’ సినిమాలో నటిస్తోంది.
