‘ఛలో’ ఫేమ్ వెంకీ కుడుముల దర్శకత్వంలో నితిన్ హీరోగా రాబోతున్న చిత్రం ‘భీష్మ’. కాగా తాజాగా ఈ సినిమా నుండి మాస్ సాంగ్ అయిన ‘వాట్ యే బ్యూటీ’ సాంగ్ వీడియో ప్రోమో రిలీజ్ అయింది. మహతి స్వరసాగర్ మంచి మాస్ ట్యూన్ తో సాంగ్ ను క్యాచీ బిట్స్ తో చాల బాగా తీర్చిదిద్దారు. ఇక సాంగ్ లో నితిన్ స్టెప్స్.. రష్మిక గ్లామర్ మొత్తం సాంగ్ కే హైలైట్ గా నిలిచింది. ‘నితిన్ – రష్మిక’ మధ్య కెమిస్ట్రీ కూడా ఓ రేంజ్ లో ఉంది. మొత్తానికి సాంగ్ ప్రేక్షకుల్ని బాగా ఆకట్టుకుంటుంది. .

కాగా ఫిబ్రవరి 21న రిలీజ్ కానున్న ఈ సినిమా ఇప్పటికే ప్రమోషన్స్ ను వేగవంతం చేసింది. అలాగే ఒకపక్క పోస్ట్ ప్రొడక్షన్ వర్క్ లో కూడా ఫుల్ బిజీగా ఉంది. ఈ చిత్రానికి ‘సింగిల్ ఫరెవర్’ అనేది ఉపశీర్షిక. ‘ఛలో’ మాదిరిగాగే ఈ చిత్రాన్ని కూడా వెంకీ ఎంటెర్టైనింగా మలచనున్నాడట. ముఖ్యంగా వెన్నల కిశోర్ అండ్ నితిన్ ట్రాక్ సినిమాలో హైలెట్ అవుతుందని సమాచారం.

ఇక నితిన్ లాస్ట్ సినిమా శ్రీనివాస కళ్యాణం ఆశించిన స్థాయిలో ఆకట్టుకోలేకపోయింది. దాంతో నితిన్, భీష్మ చిత్రం పై మరింత దృష్టి పెట్టారు. కాగా ఈ సినిమాలో హెబ్బా పటేల్‌ ఓ కీలక పాత్రలో కనిపించనుంది. ఈ చిత్రాన్ని ప్రముఖ నిర్మాణ సంస్థ సితార ఎంటర్టైన్మెంట్స్ బ్యానర్ పై నాగ వంశీ నిర్మిస్తున్నారు.