అందాల భామ రిచా గంగోపద్యాయ ‘లీడర్’ చిత్రంతో తెలుగు తెరకు పరిచయమై, ఆ తర్వాత ‘మిరపకాయ్’ మరియు ‘నాగవల్లి’ లాంటి చిత్రాల్లో నటించి మంచి గుర్తింపు తెచ్చుకుంది. రిచా ఇప్పటికీ టీవీలో మనసుకు హత్తుకునే సన్నివేషాలు లేదా సెంటిమెంట్ సన్నివేశాలు చూస్తే చిన్న పిల్లల్లా ఏడ్చేస్తుందంట. నిన్న టీవీలో ప్రసారమైన ‘టైటానిక్’ సినిమా చూస్తూ ఆ సినిమాలో లియోనార్డో డి కాప్రియో మరియు కేట్ విన్స్లెట్ పడే ఇబ్బందుల్ని చూసి రిచా బోరున ఏడ్చేసిందంట. ‘ 11వ సారి ‘టైటానిక్’ సినిమా చూస్తున్నాను అయినా మొదటి సారి సినిమా చూస్తున్నట్టుగా ఏడుస్తున్నాను. జాక్ – రోస్ ల మధ్య నడిచే అద్భుతమైన ప్రేమ కథా చిత్రం ఇది’ అని రిచా ట్విట్టర్లో పోస్ట్ చేసారు. ప్రస్తుతం రిచా తెలుగులో ప్రభాస్ సరసన ‘వారధి’ సినిమాలో నటిస్తోంది మరియు త్వరలో షూటింగ్ ప్రారంభం కానున్న నాగార్జున ‘భాయ్’ సినిమాలో నటించనుంది.