డైరెక్టర్ వంశీ రాబోవు సినిమా షూటింగ్ హైదరాబాద్ పరిసర ప్రాంతాలలో జరుగుతోంది. ఈ సినిమాకి ఇంకా పేరును ఖరారు చేయలేదు. ఇది అయన 25వ సినిమా. కె.వి ఆనంద్ ‘రంగం’, ‘రచ్చ’ సినిమాలలో నటించిన అజ్మల్ అమీర్ ఈ సినిమాలో ముఖ్య పాత్రలో నటిస్తున్నాడు. అలాగే నికిత నారాయణ్ కూడా ఈ సినిమాలో ముఖ్య పాత్రలో కనిపించనుంది. ఆమెకి వంశీతో మొదటి సినిమా ఇది. ”ఇట్స్ మై లవ్ స్టొరీ’ సినిమాతో కెరీర్ ప్రారంబించిన నికిత లేడీస్ టైలర్, ఏప్రిల్ 1 విడుదల వంటి సినిమాలను తీసిన ప్రముఖ డైరక్టర్ వంశీతో పని చేయడానికి చాలా ఆసక్తిగా ఎదురుచూస్తున్నానని చెప్పింది. ‘మొదటి రోజు షూటింగ్ ని ప్రముఖ డైరెక్టర్ వంశీ గారు చాలా చక్కగా చిత్రీకరించారు. ఈ సినిమా నా కెరీర్లో ఒక మైలు రాయి నిలిచి పోతుంది , నేను ఇంత తొందరగా ఇలాంటి గొప్ప డైరెక్టర్ తో చేస్తానని అనుకోలేదని’ నికిత చెప్పింది. చక్రి సంగీతాన్ని అందిస్తున్న ఈ సినిమా ఈ సంవత్సరం చివర్లో విడుదలయ్యే అవకాశం వుంది.