కొద్దిరోజుల క్రితం తెలుగు చిత్ర పరిశ్రమకు చెందిన ప్రముఖులు, సాంకేతిక నిపుణులు, మూవీ ఆర్టిస్ట్స్ అసోసియేషన్ సభ్యులు మార్చి 21వరకు షూటింగ్స్ నిలిపివేస్తూ నిర్ణయం తీసుకున్నారు. కరోనా వైరస్ వ్యాప్తిని అరికట్టే కార్యక్రమంలో భాగంగా ఈ నిర్ణయం తీసుకున్నారు. అలాగే చిత్ర యూనిట్ సభ్యులు మరియు నటుల ఆరోగ్యం ద్రుష్టి లో ఉంచుకొని ఈ ప్రతిపాదన చేయడం జరిగింది.

ఐతే కరోనా వైరస్ ప్రభావం అంత కంతకు పెరుగుపోతున్న నేపథ్యంలో ఈ షూటింగ్స్ నిలిపి వేత తేదీని పొడిగించారు. మార్చి 21నుండి మార్చి 31 వరకు పొడిగించారు. నేడు హైదరాబాద్ ఫిల్మ్ ఛాంబర్ లో సమావేశమైన మా సభ్యులతో పాటు పరిశ్రమకు చెందిన 24 విభాగాలకు చెందిన ప్రముఖులు పాల్గొని ఈ నిర్ణయం తీసుకున్నారు. దీనితో మరి కొన్ని రోజులు షూటింగ్స్ కి బ్రేక్ పడనుంది. ఇప్పటికే టాలీవుడ్ కి చెందిన చిన్న, భారీ సినిమాల షూటింగ్స్ ఆగిపోవడం జరిగింది. ఏది ఏమైనా కరోనా వైరస్ టాలీవుడ్ పై తీవ్ర ప్రభావం చూపిస్తుంది.