మహేష్ బాబు ,వెంకటేష్ ప్రధాన పాత్రలలో రాబోతున్న చిత్రం “సీతమ్మ వాకిట్లో సిరిమల్లె చెట్టు” దాదాపుగా ప్రధాన భాగం చిత్రీకరణ పూర్తి చేసుకుంది. మా వర్గాల సమాచారం ప్రకారం ఈ చిత్రం ఆడియో నవంబర్ లో విడుదల కానుంది. ఈ చిత్రాన్ని తిరుపతిలో విడుదల చెయ్యడానికి భారీ వేడుక కార్యక్రమం ఒకటి జరుపనున్నారు. అన్నదమ్ముల మధ్య జరిగే సంఘటనల చుట్టూ తిరిగే ఈ కథకు కావలసిన ఫీల్ ఉన్న సంగీతాన్ని అందించడంలో మిక్కి జే మేయర్ అద్భుతమయిన ప్రతిభ కనబరిచారని సమాచారం. సమంత, మహేష్ బాబు సరసన కనిపిస్తుండగా వెంకటేష్ సరసన అంజలి నటిస్తున్నారు. శ్రీకాంత్ అడ్డాల దర్శకత్వం వహిస్తున్న ఈ చిత్రం ప్రస్తుతం చెన్నైలో చిత్రీకరణ జరుపుకుంటుంది. దిల్ రాజు నిర్మిస్తున్న ఈ చిత్రానికి కే వి గుహన్ సినిమాటోగ్రఫీ అందిస్తున్నారు. ఈ చిత్రం మల్టీ స్టారర్ కావడం మూలాన ఈ చిత్రం మీద భారీ అంచనాలు నెలకొన్నాయి. ఈ చిత్రం తెలుగు పరిశ్రమలో మైలురాయిలా నిలిచిపోనుంది అని నిర్మాతలు ధీమా వ్యక్తం చేశారు.