మేము విన్న సమాచారం ప్రకారం డా. డి. రామానాయుడు నానక్రాంగూడా స్టూడియోస్ లో గ్రాండ్ గా ఏర్పాట్లు జరుగుతున్నాయి. ఇదంతా ఎందుకు అనుకుంటున్నారా మన విక్టరీ వెంకటేష్ మరియు సూపర్ స్టార్ మహేష్ బాబు కలిసి నటిస్తున్న ‘ సీతమ్మ వాకిట్లో సిరిమల్లె చెట్టు’ ఆడియో విడుదల కార్యక్రమం కోసమే. ఈ వేడుకని భారీ ఎత్తున జరగనుంది మరియు ఈ వేడుకకి భారీగా అభిమానులు వస్తారని వేదికని ఎంచుకోవడం కోసం కొంత సమయం పట్టింది. మిక్కీ జె. మేయర్ సంగీతం అందించిన ఈ ఆడియోని మొదటగా డిసెంబర్ 13న విడుదల చేయాలనుకున్నారు కానీ అది ఇప్పుడు వాయిదా పడి డిసెంబర్ 15న విడుదల కానుంది.
ఈ సినిమాలో వెంకటేష్ మరియు మహేష్ బాబులను అన్నదమ్ములుగా చూపిస్తున్నారు డైరెక్టర్ శ్రీకాంత్ అడ్డాల. ఇప్పటికే ఈ సినిమా టాకీ పార్ట్ పూర్తి చేసుకుందని ఇది వరకే తెలిపాము. ఇంకా రెండు పాటల చిత్రీకరణ మాత్రమే మిగిలి ఉన్న ఈ సినిమాని సంక్రాంతి కానుకగా జనవరి 11న రిలీజ్ కానుంది. దిల్ రాజు ప్రతిష్టాత్మకంగా నిర్మిస్తున్న ఈ సినిమాలో సమంత మరియు అంజలి హీరోయిన్స్ గా నటిస్తున్నారు.
