తమిళ స్టార్ హీరో సూర్య నటిస్తున్న లేటెస్ట్ చిత్రం ‘కరుప్పు’ ఇప్పటికే శరవేగంగా షూటింగ్ జరుపుకుంటోంది. ఈ సినిమాను ఆర్.జె.బాలాజీ డైరెక్ట్ చేస్తుండటంతో ఈ మూవీపై ప్రేక్షకుల్లో మంచి బజ్ క్రియేట్ అయింది. ఇక ఈ సినిమా నుంచి రిలీజ్ అయిన పోస్టర్స్ ఈ బజ్‌ను మరింత పెంచాయి.
అయితే, దీపావళి కానుకగా ఈ చిత్రం నుండి ఓ సాలిడ్ ట్రీట్ ఇస్తున్నట్లు మేకర్స్ వెల్లడించారు. ఈ మూవీ నుంచి ఫస్ట్ సింగిల్ సాంగ్‌ను దీపావళి కానుకగా అక్టోబర్ 20న రిలీజ్ చేస్తున్నట్లు చిత్ర యూనిట్ తాజాగా ప్రకటించింది.
సాయి అభ్యంకర్ సంగీతం అందిస్తున్న ఈ చిత్రంలోని మ్యూజిక్ ఎలా ఉండబోతుందా అని ప్రేక్షకులు ఆసక్తిగా చూస్తున్నారు. ఈ చిత్రాన్ని డ్రీమ్ వారియర్ పిక్చర్స్ బ్యానర్ ప్రొడ్యూస్ చేస్తున్నారు.
