యంగ్ హీరో సందీప్ కిషన్ ఈమధ్య యాక్షన్ సినిమాలను కాస్త తగ్గించి ఎంటర్టైన్మెంట్, స్టోరీ బేస్డ్ కథలను ఎంచుకుంటున్నారు. ప్రసుతం ‘ఏ 1 ఎక్స్ ప్రెస్’ సినిమా చేస్తున్నారు ఆయన. ఇది కంప్లీట్ స్పోర్ట్స్ డ్రామా. అంటే పూర్తిగా కథాపరమైన చిత్రం. ఈ సినిమా తర్వాత ఆయన ఒక ఎంటర్టైన్మెంట్ చిత్రం చేయాలని అనుకుంటున్నట్టు తెలుస్తోంది. ఆ చిత్రాన్నిఎంటర్టైన్మెంట్ సినిమాల దర్శకుడు జి.నాగేశ్వర్ రెడ్డి డైరెక్ట్ చేయనున్నారట. గతంలో వీరిద్దరి కాంబినేషన్లో ‘తెనాలి రామకృష్ణ బీఏ. బిల్’ చిత్రాన్ని చేశారు.
ఈ సినిమా ప్రేక్షకులను బాగానే నవ్వించింది. వరుస పరాజయాల్లో ఉన్న సందీప్ కిషన్ కు కొత్త ఉత్సాహాన్ని ఇచ్చింది. అందుకే మరోసారి ఆయనతో సినిమా చేయడానికి పూనుకున్నారు సందీప్ కిషన్. ఇది కోడ్ కంప్లీట్ ఎంటర్టైనర్ గానే ఉండనుంది. ఈ ఏడాది డిసెంబర్ నుండి సినిమా రెగ్యులర్ షూట్ మొదలుకానుంది. ఈ చిత్రాన్ని ఎవరు నిర్మించనున్నారు, ఇందులో హీరోయిన్ హీరోయిన్ లాంటి వివరాలు ఇంకా తెలియాల్సి ఉంది. నాగేశ్వర్ రెడ్డి గతంలో ‘సీమ శాస్త్రి, సీమ టపాకాయ్, దేనికైనా రెడీ, ఈడో రకం ఆడో రకం’ లాంటి కామెడీ ఎంటెర్టైనర్లతో మంచి విజయాలను అందుకున్నారు.
