‘గోలీసోడా’ ‘గోలీసోడా-2’ చిత్రాల దర్శకుడు, ప్రముఖ కెమెరామెన్‌ విజయ్ మిల్టన్ దర్శకత్వంలో గోలీసోడా ఫ్రాంఛైజీలో భాగంగా గోలీసోడాలోని స్పిరిట్‌ను, ఆ లెగసీని కంటిన్యూ చేస్తూ ఓ చిత్రాన్ని రూపొందిస్తున్నారు. తెలుగు, తమిళ భాషల్లో ద్విభాషా చిత్రంగా తెరకెక్కుతోన్న ఈ సినిమాలో రాజ్‌ తరుణ్‌ హీరోగా నటిస్తున్నాడు. ఆయన ఈ చిత్రంతో తమిళంలోకి ఎంట్రీ ఇస్తున్నాడు.
సునీల్‌, వేదన్‌, భారత్‌, అమ్ము అభిరామి, కిషోర్‌, జెఫ్రీరి, భరత్‌ శ్రీని, పాల డబ్బా, విజిత తదితరులు ఈ చిత్రంలో ముఖ్య పాత్రల్లో నటిస్తున్నారు. రఫ్‌ నోట్‌ ప్రొడక్షన్స్‌ సంస్థ నిర్మాణంలో తెరకెక్కుతున్న ఈ చిత్రానికి ‘గాడ్స్ అండ్ సోల్జర్’ అనే టైటిల్‌ను ఫిక్స్ చేశారు. వినాయక చవితి పర్వదినం సందర్భంగా ఈ చిత్రానికి సంబంధించిన టైటిల్ టీజర్‌ను విడుదల చేశారు మేకర్స్‌.
ప్రముఖ తమిళ నటులు విజయ్ సేతుపతి, విజయ్ ఆంటోని, ఆర్యలతో పాటు మాస్‌ కా దాస్‌ విశ్వక్‌సేన్‌ తమ ఎక్స్‌ అకౌంట్‌ వేదికగా టైటిల్‌ను ట్విట్‌ చేసి శుభాకాంక్షలు అందజేశారు. దర్శకుడు విజయ్ మిల్టన్ మాట్లాడుతూ.. ‘గోలీసోడాలోని రఫ్‌నెస్‌ను, న్యూ చాప్టర్‌లో ఈ సినిమాలో ఆడియన్స్‌ చూడబోతున్నారు. ఈ టైటిల్ టీజర్‌కు మంచి స్పందన వస్తోంది. సోషల్‌ మీడియాలో వైరల్‌గా మారింది. ఈ టీజర్‌తో మా సినిమాపై ఆడియన్స్‌లో ఎక్స్‌పెక్టేషన్స్‌ పెరిగాయి. తప్పకుండా మా చిత్రం తెలుగు, తమిళ భాషల్లో అందరి అంచనాలను అందుకుంటుంది. ఈ సందర్బంగా మా టైటిల్ టీజర్‌ను తమ సోషల్‌ మీడియాలో షేర్‌ చేసి మమ్ములను సపోర్ట్‌ చేసిన అందరికీ ధన్యవాదాలు’ అని అన్నారు. ఈ చిత్రానికి సామ్‌ సీఎస్‌ సంగీతం అందిస్తున్నారు.
