దర్శకధీరుడు రాజమౌళి – మహేష్ బాబు సినిమాను హాలీవుడ్ స్థాయిలో నిర్మించబోతున్నారు. ఈ సినిమాలో హీరోయిన్ గా ప్రియాంక చోప్రా నటిస్తోంది. ఈ సినిమా పై పాన్ ఇండియా స్థాయిలో భారీ అంచనాలు ఉన్నాయి. ఇప్పటికే, ఈ సినిమాలోని కుంభ పాత్రలో పృథ్వీరాజ్ సుకుమారన్ ఫస్ట్ లుక్ పోస్టర్‌ను రిలీజ్ చేశారు. ఐతే, ఇప్పుడు అందరూ మహేష్ బాబు ఫస్ట్ లుక్ పోస్టర్, అలాగే మహేష్ పాత్ర పేరు అప్ డేట్ కోసం ఆసక్తిగా ఎదురుచూస్తున్నారు.
కాగా మహేష్ ఫస్ట్ లుక్ పోస్టర్ తో పాటు సినిమా టైటిల్‌ ను ఒకేసారి రివీల్ చేయాలని టీమ్ ప్లాన్ చేస్తోంది. దానికంటే ముందు, ప్రియాంక చోప్రా ఫస్ట్ లుక్ పోస్టర్ ను రిలీజ్ చేయనున్నారు. ప్రియాంక ఫస్ట్ లుక్ పోస్టర్ తో పాటు ఆమె పాత్ర పేరును నవంబర్ 11, 2025న రిలీజ్ చేస్తారట. రాజమౌళి – మహేష్ సినిమా ఒక అడ్వెంచర్ థ్రిల్లర్‌ గా ఉండబోతుంది. ఈ చిత్రానికి కీరవాణి సంగీత దర్శకుడిగా వ్యవహరిస్తున్నారు. ఇక ఈ సినిమాకి విజయేంద్రప్రసాద్‌ కథ, దేవా కట్టా సంభాషణలు అందిస్తున్నారు.
