శౌర్యం, శంఖం వంటి తెలుగు చిత్రాల దర్శకుడు శివ అజిత్ సినిమాకి దర్శకత్వం వహించే అవకాశం కొట్టాడు. కార్తి హీరోగా సిరుతై అనే సినిమా డైరెక్ట్ చేసిన శివ ప్రస్తుతం రవితేజ హీరోగా ‘దరువు’ అనే సినిమా తెరకెక్కిస్తున్నాడు. షూటింగ్ పూర్తి చేసుకున్న ఈ చిత్రం త్వరలో విడుదల కానుంది. అజిత్ కూడా బిల్లా 2 చిత్రంలో బిజీగా ఉన్నాడు. ఈ చిత్ర పాటలు ఈ రోజే విడుదలయ్యాయి. ఈ రోజు అజిత్ పుట్టిన రోజు సందర్భంగా ఒక ప్రముఖ తమిళ వార్త పత్రికకి ఇచ్చిన ఇంటర్వ్యూలో శివ డైరెక్షన్లో చేయనున్నట్లు ధ్రువీకరించాడు. బిల్లా 2, దరువు విడుదలయ్యాక ఈ చిత్రం ప్రారంభమయ్యే అవకాశాలున్నాయి.