మన టాలీవుడ్ లో ఉన్న ఎందరో లెజెండరీ నటులలో నట కిరీటి రాజేంద్ర ప్రసాద్ కూడా ఒకరు. నవ్వుల ఱేడుగా తెలుగు సినిమాలో తనకంటూ ఒక సుస్థిర స్థానాన్ని ఏర్పర్చుకున్న ఆయన ఇప్పుడు పలు ఆసక్తికర రోల్స్ ను చేస్తూ టాలీవుడ్ లో బిజీ బిజీగా గడుపుతున్నారు. అయితే రాజేంద్ర ప్రసాద్ నుంచి జస్ట్ ఓ సినిమాలో హెల్పింది రోల్స్ మాత్రమే కాకుండా తన వైపు నుంచి కూడా అద్భుతమైన సందేశాలు ఇచ్చి అవార్డు విన్నింగ్ సినిమాలు కూడా ఉన్నాయి.
మరి బహుశా ఆ రేంజ్ సినిమానో కాదో కానీ తాను హీరోగా నటిస్తున్న లేటెస్ట్ చిత్రం “క్లైమాక్స్” ను చూస్తే కాస్త ఆసక్తిగా అనిపిస్తుంది. తన రోల్ డిజైన్ నుంచి ఇప్పటి వరకు జరిగిన ప్రమోషన్స్ నేడు విడుదల కాబడిన స్పెషల్ ర్యాప్ సాంగ్ ఖచ్చితంగా మంచి అంచనాలు ఈ చిత్రం నెలకొల్పుకుంది. రాజేష్ – నీద్వాన సంగీతం అందించిన “లక్ష్మి వచ్చింది” అనే లిరికల్ సాంగ్ ను మేకర్స్ ఇప్పుడు విడుదల చేశారు.
ఇంట్రెస్టింగ్ విషయం ఏమిటంటే ఈ సాంగ్ ను రాజేంద్ర ప్రసాద్ గారే పాడడం అందులను గుక్క తిప్పకుండా తెలుగు ర్యాప్ చెయ్యడం గమనార్హం. ఈ సినిమా దర్శకుడు భవాని శంకర్ కే నే రాసిన ఈ సాంగ్ చాలా ఇంట్రెస్టింగ్ గా ఉందని చెప్పాలి. మొదటి సారి ర్యాప్ లో రాజేంద్ర ప్రసాద్ తన లైఫ్ లోకి వచ్చిన లక్ష్మి అనే పాత్ర కోసం చెప్తే తర్వాత వచ్చిన రెండు ర్యాప్ బిట్స్ లో కొన్ని నిజ జీవిత సమస్యలు అలాగే పాటించని విమర్శలు సూక్తులకు అద్దం పట్టేలా చాలా సహజంగా ఉన్నాయి.
అంతే కాకుండా ఖచ్చితంగా ఆలోచింపదగ్గ సాహిత్యాన్ని నేటి ట్రెండ్ కు చేరువయ్యేలా మంచి మెసేజ్ కూడా ఇందులో జోడించారు. మరి ఈ చిత్రంలో సాషా సింగ్, పృథ్వీ, శివశంకర్ మాస్టర్, రమేష్ తదితరులు కీలక పాత్రల్లో నటించగా కైపస్ ఫిలిం ప్రొడక్షన్ వారు ఈ చిత్రంను నిర్మించారు.
ఆ లిరికల్ సాంగ్ కోసం ఇక్కడ క్లిక్ చెయ్యండి
