బాహుబలి లాంటి బిగ్గెస్ట్ ఎపిక్ డ్రామా అనంతరం తెలుగు సినిమా బాక్సాఫీస్ దెబ్బ రుచి ఇండియన్ సినిమాకు చూపించేందుకు రెడీగా ఉన్న చిత్రం “రౌద్రం రణం రుధిరం”. మెగాపవర్ స్టార్ రామ్ చరణ్ అలాగే యంగ్ టైగర్ ఎన్టీఆర్ ల కాంబోలో దర్శక ధీరుడు రాజమౌళి తెరకెక్కిస్తున్న ఈ భారీ బడ్జెట్ చిత్రం అంతే స్థాయి అంచనాలతో రూపు దిద్దుకొంటుంది.
అయితే కరోనా పరిస్థితులు కానీ లేకపోతే ఎప్పుడో షూటింగ్ పూర్తయిపోవాల్సిన ఈ చిత్రం ఇటీవలే మళ్ళీ పునః ప్రారంభం అయ్యింది. ఇక ఇదిలా ఉంటే శరవేగంగా షూటింగ్ ను పూర్తి చేసుకుంటున్న ఈ చిత్రాన్ని జక్కన ఎప్పటికి ఫినిష్ చేసెయ్యాలి ప్రణాళిక వేసుకున్నట్టు తెలుస్తుంది.
ఇంకా కొంత భాగాన్ని మిగుల్చుకొని రాత్రి పగలు తేడా లేకుండా షూట్ ను జరుపుకుంటుంది. ఇలా రాజమౌళి వచ్చే జనవరి ఎండింగ్ లేదా ఫిబ్రవరి నాటికి పూర్తి చేయనున్నట్టు తెలుస్తుంది. ఈ చిత్రానికి లెజెండరీ సంగీత దర్శకుడు ఎం ఎం కీరవాణి సంగీతం అందిస్తుండగా డీవీవీ దానయ్య భారీ బడ్జెట్ తో నిర్మిస్తున్నారు.
