మిస్టర్ పర్ఫెక్ట్ సినిమా తరువాత యంగ్ రెబల్ స్టార్ ప్రభాస్ నటించిన సినిమా ఇంత వరకు ఒక్కటి కూడా విడుదల కాలేదు. లారెన్స్ డైరెక్షన్లో చాలా రోజుల నుండి తెరకెక్కుతున్న ‘రెబల్’ సినిమా షూటింగ్ దాదాపు చివరి దశకు చేరుకుంది. ప్రస్తుతం ఈ సినిమాకి సంభందించిన యాక్షన్ సన్నివేశాలు పాండిచ్చేరిలో చిత్రీకరిస్తున్నారు. రెబల్ సినిమాకి మొదటగా తమన్ ని సంగీత దర్శకుడిగా అనుకున్నప్పటికీ అయన సినిమా నుండి తప్పుకోవడంతో ఆ భాధ్యతలు కూడా లారెన్స్ తీసుకున్నారు. రెబల్ ఆడియో వచ్చే నెలలో హైదరాబాదులో విడుదల చేయడానికి సన్నాహాలు చేస్తున్నారు. ప్రభాస్ సరసన తమన్నా, దీక్షా సేథ్ నటిస్తున్న ఈ సినిమాలో కృష్ణం రాజు కీలక పాత్రలో నటిస్తున్నారు. రెబల్ సినిమాని జే. భగవాన్ మరియు జే. పుల్లారావు కలిసి సంయుక్తంగా నిర్మిస్తున్నారు.