సే స్టోరీ ప్రొడక్షన్స్, ఆర్3 ప్రొడక్షన్స్ సంయుక్తంగా నిర్మించిన హారర్ చిత్రం ‘పంజరం’ ట్రైలర్ విడుదలైంది. సాయి కృష్ణ దర్శకత్వం వహించిన ఈ చిత్రంలో అనిల్, యువతేజ, ముస్కాన్, రూప ప్రధాన పాత్రల్లో నటించారు. గ్రామీణ నేపథ్యంతో సాగే ఈ సినిమా ట్రైలర్ పేదరాసి పెద్దమ్మ థీమ్‌తో ప్రారంభమై, మొదటి నుంచే టెన్షన్ క్రియేట్ చేస్తుంది.

ట్రైలర్‌లో హారర్ ఎలిమెంట్స్‌ను సమర్థంగా మేళవించారు. కెమెరా వర్క్, బ్యాక్‌గ్రౌండ్ స్కోర్ (ఆర్ఆర్), సౌండ్ డిజైన్ థ్రిల్‌ను పెంచాయి. ముఖ్యంగా చివరి షాట్ వెన్నులో వణుకు పుట్టించేలా ఉంది.

దర్శకుడు సాయి కృష్ణ తన టీంకు కృతజ్ఞతలు తెలుపుతూ, మోహన్ సంగీతం, ఆర్ఆర్, పాటలు సినిమాకి పెద్ద బలం అవుతాయని తెలిపారు. హీరో యువతేజ ‘మల్లి’ పాత్రలో కొత్త లుక్, కొత్త ప్రెజెంటేషన్‌తో కనిపిస్తాడని చెప్పాడు. హీరో అనిల్ ‘కార్తిక్’గా కనిపిస్తూ, సినిమా కూడా ట్రైలర్‌ స్థాయిలోనే ఎంగేజ్ చేస్తుందని నమ్మకం వ్యక్తం చేశాడు.

హీరోయిన్లు రూప (‘వెన్నెల’ పాత్ర) మరియు ముస్కాన్ తమ పాత్రలకు అవకాశం ఇచ్చిన దర్శకుడికి ధన్యవాదాలు తెలిపారు. యూనిట్ అంతా ఎంతో ప్యాషన్‌తో పని చేసిందని వారు చెప్పారు. మ్యూజిక్ డైరెక్టర్ నాని మోహన్ కూడా ఈ చిత్రానికి సంగీతం ప్రత్యేక ఆకర్షణగా నిలుస్తుందని తెలిపారు.
నటి పద్మ 35 ఏళ్ల తర్వాత ఈ చిత్రంతో రీ-ఎంట్రీ ఇస్తున్నానని, యువ నటీనటుల పనితీరు మెప్పించిందని అన్నారు. నటుడు రమణ యంగ్ టీంకు ఆడియెన్స్, మీడియా నుంచి ప్రోత్సాహం అందాలని కోరారు. ప్రదీప్ తనకు సాయి కృష్ణతో ఉన్న ప్రయాణం షార్ట్ ఫిల్మ్‌లతో మొదలై ‘పంజరం’ వరకు వచ్చిందని, ఇప్పుడు అందరూ అద్భుతంగా నటించారని పేర్కొన్నారు.

మొత్తం మీద, కొత్త తరహా హారర్ ట్రీట్మెంట్, బలమైన టెక్నికల్ విలువలు, ప్రభావవంతమైన మ్యూజిక్‌తో ‘పంజరం’ ట్రైలర్ ప్రేక్షకుల్లో మంచి ఆసక్తి రేకెత్తించింది. సినిమా విడుదలపై అంచనాలు పెరిగాయి.

2:03
Panjaram Trailer Sparks Buzz with Intense Horror and Music