డాషింగ్ డైరెక్టర్ పూరి జగన్నాథ్.. లైగర్, డబుల్ ఇస్మార్ట్ వంటి డిజాస్టర్ల తర్వాత తన కొత్త సినిమా బెగ్గర్ ని విజయ్ సేతుపతి హీరోగా పూరి ప్రకటించాడు. ఐతే, సెప్టెంబర్ మొదటి వారం నుంచి లాంగ్ షెడ్యూల్ కోసం ఓ భారీ సెట్ వేస్తున్నట్లు తెలుస్తోంది. ఈ సెట్ లో క్లైమాక్స్ తో పాటు విజయ్ సేతుపతి పై ఓ సోలో సాంగ్ ను కూడా షూట్ చేస్తారట. ఇక విజయ్ సేతుపతి పాత్రలో మూడు కోణాలు ఉంటాయని, పైగా విజయ్ సేతుపతి నెగిటివ్ షేడ్స్ లో కనిపిస్తాడని తెలుస్తోంది.
మొత్తానికి పూరి ఈ సారి కొత్తగా ట్రై చేస్తున్నాడు. ఐతే, పూరి జగన్నాథ్ దర్శకత్వంలో ఎనర్జిటిక్ స్టార్ రామ్ పోతినేని హీరోగా వచ్చిన “డబుల్ ఇస్మార్ట్” ఆశించిన స్థాయిలో పాజిటివ్ టాక్ ను తెచ్చుకోలేక పోయింది. ముఖ్యంగా పూరి గత సినిమాలతో పోల్చుకుంటే.. ఈ సినిమాలో బలమైన కంటెంట్ మిస్ అయ్యింది అంటూ కామెంట్స్ వినిపించాయి. ఈ నేపథ్యంలో పూరి, విజయ్ సేతుపతి కోసం ఎలాంటి కథను రాశాడో చూడాలి.