నాగార్జున సూపర్ హిట్ సినిమాల్లో ‘సోగ్గాడే చిన్నినాయన’ సినిమా కూడా ఒకటి. ఈ చిత్రంలో నాగార్జున చేసిన ‘బంగార్రాజు’ పాత్రకు విశేషమైన స్పందన వచ్చింది. దీంతో డైరెక్టర్ కళ్యాణ్ కృష్ణ, నాగార్జున – నాగ చైతన్య కలయికలో ఆ సినిమానికి సీక్వెల్ తీయబోతున్న సంగతి తెలిసిందే. అయితే ఎప్పుడో మొదలవ్వాల్సిన ఈ చిత్రం కొన్ని కారణాల వల్ల వాయిదా పడుతూ వచ్చింది. దాంతో అనుకున్న సమయానికి బంగార్రాజు సినిమా సెట్స్ పైకి వెళ్ళలేకపోయింది. అయితే ఏప్రిల్ రెండో వారంలో ఈ సినిమా షూటింగ్ మొదలుపెట్టబోతున్నారని ఇటీవలే వార్తలు వచ్చాయి. కానీ కరోనా ప్రభావం కారణంగా సినిమాల షూటింగ్స్ అన్ని ఆపేశారు. దాంతో బంగార్రాజు ఏప్రిల్ లో షూట్ కి వెళ్లడం సాధ్యమయ్యేలా కనిపించడం లేదు.

ప్రస్తుతం కళ్యాణ్ కృష్ణ, ఈ చిత్ర ప్రీ ప్రొడక్షన్ పనుల్లో బిజీగా ఉన్నాడట. ఇక ఈ చిత్రంలో ఓ కీలక పాత్రలో రమ్యకృష్ణ కూడా నటించబోతుంది. మరి నాగ్ ఈ సారి హిట్ కొడతారా చూడలి. అయితే నాగ్ గత సినిమా రాహుల్ ర‌వీంద్ర‌న్ ద‌ర్శ‌కత్వంలో వచ్చిన `మ‌న్మ‌థుడు 2′ బాక్సాఫీస్ వద్ద ప్లాప్ చిత్రంగా నిలిచింది. దాంతో బంగార్రాజు పై మరింత కేర్ తీసుకుంటున్నారు. ఒకవిధంగా ఈ డికేడ్ లో నాగ్ కెరీర్ లోనే ‘సోగ్గాడే చిన్నినాయన’ సినిమా ముఖ్యమైంది. 2015 లో విడుదలైన ఈ చిత్రం కుటుంబ ప్రేక్షకుల్ని విశేషంగా ఆకట్టుకుని భారీ విజయాన్ని అందుకుంది. మరి ఆ సినిమా సీక్వెల్ కూడా అలాంటి విజయాన్నే అందుకుంటుందేమో చూడాలి.