ఇటీవల వచ్చిన 3డి యానిమేషన్ చిత్రం మహావతార్ నరసింహ ఎలాంటి హిట్ అయ్యిందో అందరికీ తెలిసిందే. ఇండియన్ సినిమా దగ్గర ఏకంగా 300 కోట్ల గ్రాస్ అందుకున్న యానిమేటెడ్ సినిమాగా సంచలనం సెట్ చేసింది. ఇక ఈ సిరీస్ లో మరిన్ని సినిమాలు వస్తుండగా ఈ సినిమా తర్వాత సెన్సేషనల్ అనౌన్సమెంట్ తో నిర్మాత నాగవంశీ వచ్చారు.
తాను కూడా 3డి యానిమేషన్ లో “వాయుపుత్ర” అనే భారీ యానిమేటెడ్ చిత్రాన్ని అనౌన్స్ చేశారు. మరి ఈ సినిమాని కార్తికేయ, తండేల్ సినిమాలు తెరకెక్కించిన చందూ మొండేటి తెరకెక్కిస్తుండడం విశేషం. ఇక ఈ సినిమాని ఆల్రెడీ వచ్చే ఏడాది దసరా రేస్ రిలీజ్ కి కూడా లాక్ చేసేసారు. అలాగే దీనిపై వదిలిన పోస్టర్స్ కూడా మంచి పవర్ఫుల్ గా కనిపిస్తుండగా పాన్ ఇండియా లెవెల్లో ఈ సినిమా విడుదల కానుంది.
