ధనుష్ మరియు శ్రుతి హసన్ లు ప్రధాన పాత్రలో వస్తున్న చిత్రం “3” చిత్ర ఆడియో విడుదల మార్చ్ 20న హైదరాబాద్ లో జరగనుంది తమిళ చిత్రం “3”కి రీమేక్ అయిన ఈ చిత్రం తెలుగులోకి అదే పేరుతో అనువాదం కానుంది. ఐశ్వర్య దనూష్ దర్శకత్వం వహిస్తున్న ఈ చిత్రాన్ని తెలుగులో నట్టికుమార్ సమర్పిస్తున్నారు. ఈ మధ్యనే భారీ ధరకు ఈయన అనువాద హక్కులను కొనుక్కున్నారు. ధనూష్,ఐశ్వర్య ధనూష్,శ్రుతి హాసన్ మరియు అనిరుధ్ మరికొంతమంది అతిధులతో ఈ వేడుకకు కళను తీసుకురానున్నారు. దేశం మొత్తం ఒక ఊపు ఊపిన “వై దిస్ కొలవేరి డి?” పాట ఈ చిత్రంలోనిదె తెలుగులో ఎలా ఉండబోతుందో వేచి చూడాలి మరి. తమిళ చిత్రానికి “యు” సర్టిఫికేట్ ఇచ్చారు. రాబోయే వారం లో తెలుగు చిత్రానికి కూడా సెన్సార్ చెయ్యబోతున్నారు. తమిళ మరియు తెలుగు రెండు చిత్రాలు మార్చ్ 30న విడుదల కానున్నాయి.