నందమూరి కళ్యాణ్ రామ్ హీరోగా 3D చేయబోతున్నారు. ఈ చిత్రానికి ‘ఓం’ అనే టైటిల్ ను ఖరారు చేసారు. ఈ చిత్రానికి సంబందించిన కొన్ని యాక్షన్ సన్నివేశాల్ని హిమాయత్ సాగర్లో చిత్రీకరిస్తున్నారు. విశ్వసనీయ వర్గాల సమాచారం ప్రకారం ఈ చిత్రం భారీ బడ్జెట్ తో రూపొందిస్తున్నట్లు హాలీవుడ్ కి చెందిన కొందరు టెక్నిషియన్స్ ఈ చిత్రం కోసం పనిచేయబోతున్నట్లు సమాచారం. కళ్యాణ్ రామ్ స్వయంగా నిర్మిస్తున్న ఈ చిత్రానికి ప్రముఖ సినిమాటోగ్రాఫర్ సునీల్ రెడ్డి ఈ చిత్రంతో దర్శకుడిగా పరిచయం కాబోతున్నారు. ఈ చిత్రంలో కళ్యాణ్ రామ్ పలు విభిన్నమైన గెటప్ లలో కనిపించబోతున్నారు. ఓం చిత్రం వచ్చే ఏడాది వేసవిలో విడుదల చేయడానికి సన్నాహాలు చేస్తున్నారు.
