నితిన్ మరియు నిత్యా మీనన్ జంటగా నటించిన ‘ఇష్క్’ చిత్రం గత వారం విడుదలై ప్రేక్షకుల ఆదరణను దక్కించుకుంటుంది. నితిన్ కి చాలా రోజుల తరువాత మంచి హిట్ రావడంతో కలెక్షన్స్ కూడా బాగా వస్తున్నాయి. మాకు అందిన సమాచారం ప్రకారం ఈ చిత్ర సీడెడ్ పంపిణీ హక్కులు శ్రీ వెంకటేశ్వర ఫిల్మ్స్ వారు దక్కించుకోగా మొదటి మూడు రోజులకు గాను 27 లక్షల రూపాయల షేర్ దక్కించుకుంది. మొదటి వారంలో 50 లక్షల రూపాయల వరకు వసూలు చేయొచ్చు అని ఆశిస్తున్నారు. ఈ కలెక్షన్స్ నితిన్ కెరీర్లోనే హయ్యెస్ట్ కలెక్షన్స్ గా చెబుతున్నారు. శ్రేష్ఠ్ మూవీస్ బ్యానర్ వారు నిర్మించగా విక్రమ్ కె కుమార్ దర్శకత్వం వహించారు. ప్రముఖ సినిమాటోగ్రాఫర్ పిసి శ్రీరామ్ ఈ సినిమాకి సినిమాటోగ్రఫీ అందించిన విషయం తెలిసిందే.