అతను లేకపోతే నాకు కెరీర్ లేదు – హరీష్ శంకర్

మాస్ మహారాజ రవితేజతో చేసిన ‘మిరపకాయ్’ సినిమాతో వెలుగులోకి వచ్చిన డైరెక్టర్ హరీష్ శంకర్ ఆ తర్వాత పవర్ స్టార్ పవన్ కళ్యాణ్ తో ‘గబ్బర్ సింగ్’ తీసి బ్లాక్ బస్టర్ హిట్ అందుకోవడమే కాకుండా రాత్రికి రాత్రే టాప్ దర్శకుల లిస్టులో చేరిపోయాడు. అలాంటి హరీష్ శంకర్ రవితేజ లేకపోతే తనకి ఫిల్మ్ కెరీర్ లేదని తన గతాన్ని గుర్తు చేసుకున్నారు.

‘ రవితేజతో నేను తీసిన షాక్ పెద్ద ఫ్లాప్ అయినా రవితేజ నన్నెప్పుడు ఫ్లాప్ డైరెక్టర్ గా చూడలేదు. ‘మిరపకాయ్’ చేసే చాన్స్ ఇచ్చి నాలో ఆత్మవిశ్వాసాన్ని నింపాడు. అందుకే రవితేజ లేని నా ఫిల్మ్ కెరీర్ లేదు. అలాగే ‘షాక్’ సినిమాతో మనకి ఏది వచ్చో అదే చెయ్యాలి రాని దాన్ని ముట్టుకోకూడదనే విషయాన్ని తెలుసుకున్నానని’ హరీష్ శంకర్ అన్నాడు.

హరీష్ శంకర్ ప్రస్తుతం యంగ్ టైగర్ ఎన్.టి.ఆర్ తో చేస్తున్న ‘రామయ్యా వస్తావయ్యా’ షూటింగ్ లో బిజీగా ఉన్నాడు. ఈ సినిమా సెప్టెంబర్ చివర్లో ప్రేక్షకుల ముందుకు రానుంది.