తమిళ స్టార్ హీరో విజయ్ నటిస్తున్న లేటెస్ట్ చిత్రం ‘జన నాయగన్’ ఇప్పటికే ప్రేక్షకుల్లో సాలిడ్ అంచనాలు క్రియేట్ చేసింది. దర్శకుడు హెచ్ వినోద్ డైరెక్ట్ చేస్తున్న ఈ సినిమాను విజయ్ తన లాస్ట్ చిత్రంగా ఇప్పటికే ప్రకటించాడు. దీంతో విజయ్ అభిమానులు ఈ సినిమా కోసం ఎంతో ఆసక్తిగా ఎదురుచూస్తున్నారు.

ఈ సినిమా నుంచి ఎలాంటి అప్డేట్ వచ్చినా వారు తప్పక ఫాలో అవుతున్నారు. కాగా, ఇప్పుడు ఈ సినిమా నుంచి వరుస అప్డేట్స్ ఇచ్చేందుకు మేకర్స్ రెడీ అయ్యారు. తాజాగా ఈ చిత్ర ఫస్ట్ సింగిల్ సాంగ్ పై మేకర్స్ ఓ సాలిడ్ అప్డేట్ ఇచ్చారు. ఈ చిత్రంలోని ఫస్ట్ సింగిల్ సాంగ్‌ను నవంబర్ 8న రిలీజ్ చేస్తున్నట్లు మేకర్స్ ప్రకటించారు.

ఈ చిత్రానికి అనిరుధ్ రవిచందర్ సంగీతం అందిస్తుండగా పూజా హెగ్డే, మమితా బైజు, బాబీ డియోల్ తదితరులు ఇతర ముఖ్య పాత్రల్లో నటిస్తున్నారు. ఈ సినిమాను కెవిఎన్ ప్రొడక్షన్స్ బ్యానర్ అత్యంత ప్రతిష్టాత్మకంగా ప్రొడ్యూస్ చేస్తున్నారు. పొంగల్ కానుకగా 2026 జనవరి 9న ఈ చిత్రాన్ని భారీ స్థాయిలో రిలీజ్ చేసేందుకు మేకర్స్ రెడీ అవుతున్నారు.