నిహాల్ కోధాటి, సూర్య శ్రీనివాస్ ప్రధాన పాత్రల్లో రూపొందుతున్న ప్రత్యేకమైన స్పై డ్రామా ‘చైనా పీస్’ నుంచి ‘ఇదేంటో జేమ్స్ బాండ్’ పాటను మేకర్స్ విడుదల చేశారు. అక్కి విశ్వనాధ రెడ్డి దర్శకత్వం వహించిన ఈ చిత్రం మూన్ లైట్ డ్రీమ్స్ బ్యానర్‌పై నిర్మితమైంది. ఈ చిత్రంలో కథానాయకులతో పాటు కమల్ కామరాజు, రఘు బాబు, రంగస్థలం మహేష్, శ్రీనివాస్ వడ్లమాని, శ్రీకాంత్ అయ్యంగార్ వంటి నటులు కీలక పాత్రల్లో కనిపించనున్నారు.
ఇప్పటికే విడుదలైన ఈ సినిమా ప్రమోషనల్ కంటెంట్, ముఖ్యంగా టీజర్, సినీ ప్రియుల్లో మంచి బజ్‌ను క్రియేట్ చేసింది. యూనిక్ కాన్సెప్ట్, యాక్షన్, థ్రిల్, అలాగే హాస్యం అంశాలతో కూడిన ఈ టీజర్ సినిమాపై అంచనాలు భారీగా పెంచింది. తాజాగా రిలీజ్ చేసిన ‘ఇదేంటో జేమ్స్ బాండ్’ పాటను సంగీత దర్శకుడు కార్తీక్ రోడ్రిగ్జ్ ఎనర్జిటిక్‌గా కంపోజ్ చేశారు. ఈ పాటకు స్ఫూర్తి జితేందర్, హారిక నారాయణ్ గాత్రం అందించగా, దినేష్ కాకర్ల రాసిన సాహిత్యం పాటలోని థీమ్‌ను సరదాగా ఆవిష్కరించింది.
ఈ చిత్రానికి సురేష్ రగుతు కెమరామెన్‌గా, మార్తాండ్ కె. వెంకటేష్ ఎడిటర్‌గా పనిచేస్తున్నారు. యూనిక్ స్పై డ్రామాగా వస్తున్న ‘చైనా పీస్’ త్వరలోనే థియేటర్లలోకి రానుంది
