“నాయక్” మరియు “డమరుకం” వంటి చిత్రాలలో ఐటెం సాంగ్ చేశాక చార్మీ కి అవకాశాలు వెల్లువెత్తుతున్నాయి. ఎం ఎస్ రాజు దర్శకత్వంలో రానున్న “RUM – రంభ ఊర్వశి మేనక ” చిత్రంలో ఒక పాత్రను ఈ భామ సొంతం చేసుకుంది. త్రిష, నికిషా పటేల్ మరియు ఇషా చావ్లా లు ఈ చిత్రంలో ఇతర ప్రధాన పాత్రలు పోషిస్తున్నారు. ఈ చిత్రం ప్రస్తుతం ఒమన్ లో ని మస్కట్ లో చిత్రీకరణ జరుపుకుంటుంది. ఈ చిత్రంలో ప్రధానకథానాయికలందరు కలిసి చిత్రీకరణ బాగా ఎంజాయ్ చేస్తున్నట్టు తెలుస్తుంది. “వాన” మరియు “తూనీగా తూనీగా” వంటి చిత్రాల తరువాత ఎం ఎస్ రాజు దర్శకత్వం వహిస్తున్న మూడవ చిత్రం ఇది. ఈసారి ఆయన ఫీమేల్ ఓరియెంటెడ్ చిత్రాన్ని ఎంచుకున్నారు.