షో, మిస్సమ్మ, విరోధి వంటి చిత్రాలతో విలక్షణ చిత్రాల దర్శకుడిగా పేరు తెచ్చుకున్న నీలకంఠ డైరెక్షన్లో వస్తున్న తాజా చిత్రం ‘చమ్మక్ చల్లో’. వరుణ్ సందేశ్, సంచిత పదుకొనే, కేథరిన్ తెరిసా, బ్రహ్మాజీ, షాయాజీ షిండే, వెన్నెల కిషోర్ తారాగణంతో తెరకెక్కుతున్న ఈ సినిమా ట్రైలర్ విడుదల ఈ రోజు జరిగింది. ఈ సందర్భంగా దర్శకుడు నీలకంఠ మాట్లాడుతూ తాను మొదటిసారి లవ్ స్టొరీ చేస్తున్నాని, హీరో పాత్ర రొమాంటిక్ గా ఉంటుందని రొమాంటిక్ నేచర్లో ఈ చిత్రం సాగుతుందని అన్నారు. బ్రహ్మాజీ మాట్లాడుతూ ఈ సినిమాలో తను వరుణ్ సందేశ్ తండ్రి పాత్రలో నటిస్తున్నాని, తండ్రిగా కాకుండా స్నేహితుడిలా ఉండే తరహ పాత్ర అన్నారు. ఈ సినిమా ద్వారా సంచితా పదుకొనే, కేథరిన్ తెరిసా పరిచయం కాబోతున్నారు. కిరణ్ వారణాసి సంగీతం అందిస్తున్న ఈ చిత్రాన్ని శ్రీ శైలేంద్ర సినిమాస్ బ్యానర్ పై డి.ఎస్ రావు నిర్మిస్తున్నారు.