గాడ్ ఆఫ్ మాసెస్ నందమూరి బాలకృష్ణ నటిస్తున్న లేటెస్ట్ చిత్రం ‘అఖండ 2 – తాండవం’ కోసం ప్రేక్షకులు ఎంతో ఆసక్తిగా ఎదురుచూస్తున్నారు. ఈ సినిమాను దర్శకుడు బోయపాటి శ్రీను డైరెక్ట్ చేస్తుండగా గతంలో వచ్చిన సెన్సేషనల్ బ్లాక్‌బస్టర్ ‘అఖండ’ చిత్రానికి సీక్వెల్‌గా వస్తుండటంతో ఈ సినిమాపై అంచనాలు భారీగా నెలకొన్నాయి.
ఇక ఈ సినిమాను తొలుత సెప్టెంబర్ 25న గ్రాండ్ రిలీజ్ చేయాలని మేకర్స్ ప్లాన్ చేశారు. కానీ, పోస్ట్ ప్రొడక్షన్ పనుల కారణంగా ఈ చిత్రాన్ని వాయిదా వేశారు. ఇక ఇప్పుడు ఈ సినిమాను పాన్ ఇండియా స్థాయిలో నెక్స్ట్ లెవెల్‌లో రిలీజ్ చేసేందుకు మేకర్స్ సిద్ధమవుతున్నట్లు తెలుస్తోంది. ఈ క్రమంలో బాలయ్య అఖండ 2 హిందీ కోసం తన డబ్బింగ్ పూర్తి చేసినట్లు చిత్ర యూనిట్ తెలిపింది. తన వాయిస్‌తో హిందీ ఆడియన్స్‌ను కూడా మెప్పించేందుకు బాలయ్య రెడీ అయ్యాడని వారు చెబుతున్నారు.
ఇది నిజంగా డేరింగ్ స్టెప్ అనే చెప్పాలి. హిందీ భాషలో చాలా వరకు వేరే వారితో డబ్బింగ్ చేయిస్తుంటారు. కానీ, బాలయ్య మాత్రం తన పాత్రకు తానే హిందీ డబ్బింగ్ చెప్పడం ప్రస్తుతం హాట్ టాపిక్‌గా మారింది. ఇక ఈ సినిమాలో సంయుక్త మీనన్ హీరోయిన్‌గా నటిస్తుండగా ఆది పినిశెట్టి విలన్ పాత్రలో నటిస్తున్నాడు. థమన్ సంగీతం అందిస్తున్న ఈ సినిమాను 14 రీల్స్ ప్లస్ బ్యానర్ ప్రొడ్యూస్ చేస్తున్నారు.
