విడుదల తేదీ : ఆగస్టు 08, 2025

123తెలుగు.కామ్ రేటింగ్ : 2.5/5

నటీనటులు : ప్రవీణ్‌,వైవా హర్ష, షైనింగ్‌ ఫణి, కేజీయఫ్‌ గరుడరామ్‌
దర్శకత్వం : ఎస్‌జే శివ
నిర్మాతలు : లక్ష్మయ్య ఆచారి, జనార్థన్‌ ఆచారి

సంగీతం : వికాస్ బడిస
సినిమాటోగ్రఫీ : బాల సరస్వతీ
ఎడిటింగ్ : మార్తాండ్ కె. వెంకటేష్

సంబంధిత లింక్స్ : ట్రైలర్ 

కమెడియన్‌ ప్రవీణ్‌ ప్రధాన పాత్రలో తెరకెక్కిన సినిమా ‘బకాసుర రెస్టారెంట్‌’. వైవా హర్ష, షైనింగ్‌ ఫణి, కేజీయఫ్‌ గరుడరామ్‌ తదితరులు కీలక పాత్రలు పోషించారు. ఎస్‌.జె.శివ దర్శకత్వం వహించిన ఈ సినిమా ఈ చిత్రం నేడు ప్రేక్షకుల ముందుకు వచ్చింది. మరి ప్రేక్షకులను ఈ సినిమా ఏ మేరకు మెప్పించిందో సమీక్షలోకి వెళ్లి తెలుసుకుందాం !

కథ :

పరమేశ్‌ (కమెడియన్ ప్రవీణ్) తన నలుగురి స్నేహితులతో రూమ్ లో ఉంటాడు. ఇష్టం లేకపోయినా జాబ్ చేస్తూ.. తనలో తాను నలిగిపోతూ ఉంటాడు. ఐతే, 50 లక్షలు పెట్టి ఓ హోటల్ పెట్టాలని పరమేశ్‌ కలలు కంటాడు. ఆ కలకు ఫ్రెండ్స్ కూడా సపోర్ట్ చేస్తారు. మరి ఆ కల కోసం పరమేశ్‌ బ్యాచ్ ఏం చేసింది ?, ఎలాంటి ప్రయత్నాలు చేసింది ?, ఈ క్రమంలో జరిగిన కొన్ని నాటకీయ పరిణామాల నేపథ్యంలో పరమేశ్‌ బ్యాచ్ లైఫ్ లో ఓ నిమ్మకాయ వస్తోంది. ఇంతకీ, ఆ నిమ్మకాయి కథ ఏమిటి?,
ఆ తర్వాత ఆ నిమ్మకాయలో ఒక ఆత్మ ఉందని తెలుస్తుంది. అసలు ఆ ఆత్మ ఎవరది ?, ఆ నిమ్మకాయలో ఎందుకు ఉంది ?, చివరకు పరమేశ్ అండ్ అతని బ్యాచ్ ఏం చేశారు ? అనేది మిగిలిన కథ.

ప్లస్ పాయింట్స్ :

హారర్ ఎలిమెంట్స్ తో పాటు కొన్ని భావోద్వేగాలతో సాగిన ఈ బకాసుర రెస్టారెంట్‌ లో కొన్ని ఫన్ మూమెంట్స్ బాగానే ఉన్నాయి. ఎమోషనల్ గా సాగే ఫ్లాష్ బ్యాక్ కూడా బాగానే ఉంది. అలాగే ఇంటర్వెల్ లో వచ్చే సీన్స్‌ కూడా పర్వాలేదు. ఇక ఈ సినిమాలో ప్రధాన పాత్రలాంటి బకాసుర ట్రాక్.. ఆ ట్రాక్ కి సంబంధించిన ఆత్మ కథ.. అలాగే ఆ ఆత్మ తో ముడి పడిన మిగిలిన పాత్రలు.. ఆ పాత్రల తాలూకు కామెడీ సీన్స్.. ముఖ్యంగా పరమేశ్ పాత్ర.. ఇలా మొత్తానికి బకాసుర రెస్టారెంట్‌ సినిమా కొన్ని చోట్ల బాగానే ఉంది.

ఇక ఈ సినిమాలో హీరోగా నటించిన ప్రవీణ్ తన నటనతో ఆకట్టుకున్నాడు. తన పాత్ర మేరకు బాగా నటించాడు. వైవా హర్ష తన రియలిస్టిక్ యాక్టింగ్ తో ఆకట్టుకున్నాడు. మిగిలిన కీలక పాత్రల్లో నటించిన షైనింగ్‌ ఫణి, కేజీఎఫ్‌ గరుడరామ్‌ తమ నటనతో మెప్పించారు. ఇతర పాత్రల్లో నటించిన మిగిలిన నటీనటులు కూడా తమ పాత్ర పరిధి మేరకు బాగానే నటించారు. ముఖ్యంగా కృష్ణభగవాన్‌ తన పంచ్ లతో నవ్వించారు.

మైనస్ పాయింట్స్ :

ఈ ‘బకాసుర రెస్టారెంట్‌’ స్క్రీన్ ప్లే బాగా స్లోగా సాగుతూ ప్రేక్షకుడి సహనానికి పరీక్ష పెడుతుంది. అలాగే, సినిమాలో కాన్ ఫ్లిక్ట్ కూడా ఆకట్టుకునే విధంగా లేకపోవడం, ఇక మెయిన్ క్యారెక్టర్స్ సరిగ్గా కనెక్ట్ కాకపోవడం, దీనికి తోడు బకాసుర ఆత్మ ట్రాక్ తాలూకు డ్రామా, అలాగే సినిమాలో మెయిన్ స్టోరీ గ్రాఫ్ కూడా బాగాలేకపోవడం వంటి అంశాలు సినిమాకి మైనస్ పాయింట్స్ గా నిలిచాయి.

అయితే, దర్శకుడు ఎస్‌జే శివ పనితనం, నటీనటుల నటన సినిమా పై ఆసక్తిని కలిగించినప్పటికీ.. కథనంలో కొత్తదనం లేకపోవడం, సీన్స్ కూడా స్లోగా సాగడం వంటి అంశాలు మైనస్ అయ్యాయి. దీనికితోడు అనవసరమైన సీన్స్ తో కథను డైవర్ట్ చేశారు. ముఖ్యంగా సెకండ్ హాఫ్ లో చాలా సన్నివేశాలు చాలా స్లోగా సాగుతూ బాగా విసిగిస్తాయి. మొత్తానికి ఈ ఎమోషనల్ హారర్ కామెడీ స్టోరీలో కొన్ని కామెడీ సీన్స్, కొన్ని ఎమోషనల్ ఎలిమెంట్స్ పర్వాలేదకున్నా.. మిగిలిన కంటెంట్ అంతా చాలా బోరింగ్ ప్లేతో రోటీన్ గా సాగింది.

సాంకేతిక విభాగం :

దర్శకుడు ఎస్ జే శివ సినిమాలో చెప్పాలనుకున్న ఎమోషనల్ కంటెంట్ బాగున్నా.. కథ కథనాలు ఆసక్తికరమైన ప్లోతో సాగలేదు. ఇక సంగీత దర్శకుడు సమకూర్చిన పాటలు బాగున్నాయి. సినిమాటోగ్రఫీ విషయానికి వస్తే.. లొకేషన్స్ అన్ని న్యాచురల్ విజువల్స్ తో ఆకట్టుకున్నాయి. కెమెరామెన్ వాటిని తెరకెక్కించిన విధానం బాగుంది. ఎడిటింగ్ కూడా బాగానే ఉంది. ఈ చిత్ర నిర్మాతలు లక్ష్మయ్య ఆచారి, జనార్థన్‌ ఆచారి పాటించిన నిర్మాణ విలువలు బాగున్నాయి.

తీర్పు :

‘బకాసుర రెస్టారెంట్‌’ అంటూ వచ్చిన ఈ ఎమోషనల్ హారర్ కామెడీ డ్రామాలో.. కొన్ని బరువైన భావోద్వేగాలు, కొన్ని కామెడీ సీన్స్ పర్వాలేదు. ఐతే, కథ కథనాలు బాగా స్లోగా సాగడం, సెకండ్ హాఫ్ లో ఇంట్రెస్టింగ్ ఎలిమెంట్స్ మిస్ అవ్వడం వంటి అంశాలు సినిమాకి మైనస్ పాయింట్స్ గా నిలిచాయి. ఓవరాల్ గా ఈ సినిమాలో కొన్ని ఫన్ అండ్ ఎమోషనల్ ఎలిమెంట్స్ కనెక్ట్ అవుతాయి.

123telugu.com Rating: 2.5/5

Reviewed by 123telugu Team