ఎన్టీఆర్ ప్రధాన పాత్రలో శ్రీను వైట్ల దర్శకత్వంలో తెరకెక్కుతున్న చిత్రం “బాద్షా” ఈ చిత్ర ఫస్ట్ లుక్ ని సెప్టెంబర్ 24న శ్రీను వైట్ల పుట్టిన రోజు సందర్భంగా విడుదల చెయ్యనున్నారు. ఈ చిత్రం ప్రస్తుతం బ్యాంకాక్ లో చిత్రీకరణ జరుపుకుంటుంది ఈ షెడ్యూల్ సెప్టెంబర్ 10న ముగియనుంది. తరువాత హైదరాబాద్లో చిత్రీకరణ కొనసాగనుంది. ఒక పాట రెండు ఫైట్స్ మరియు కొంత టాకీ భాగం ఈ షెడ్యూల్ లో తెరకెక్కించనున్నారు. ఈ చిత్రం వస్తున్న విధానం మీద ఎన్టీఆర్ మరియు శ్రీను వైట్ల ఇద్దరూ సంతృప్తికరంగా ఉన్నట్లు తెలుస్తుంది. మాఫియా నేపథ్యంలో నడిచే ఈ యాక్షన్ ఎంటర్ టైనర్లో ఎన్టీఆర్ మరియు కాజల్ ప్రధాన పాత్రలు పోషిస్తున్నారు. నవదీప్ మరో కీలక పాత్రలో కనిపించనున్నారు. గణేష్ బాబు ఈ చిత్రాన్ని తెలుగు తెర మీద స్టైలిష్ మరియు కాస్ట్లీయస్ట్ చిత్రంగా మలచడానికి అన్ని విధాల కృషి చేస్తున్నారు. కోన వెంకట్ మరియు గోపి మోహన్ ఈ చిత్రానికి కథను అందించారు. తమన్ ఈ చిత్రానికి సంగీతం అందించగా ఈ చిత్రం జనవరి 11,2013న విడుదల కానుంది.