ఒకప్పుడు సినిమా 100 రోజులు ఆడింది అంటే సూపర్ హిట్ అనే వారు, 175 రోజులు ఆడితే బ్లాక్ బస్టర్ హిట్ అనేవారు. అలా ఎక్కువ రోజులు ఆడిన సినిమాలకు 100 రోజుల వేడుకలు, 175 రోజుల వేడుకలు అంటూ చేసేవారు. ఈ వేడుకలు అంగరంగ వైభవంగా అభిమానుల మధ్య ఘనంగా చేసేవారు. ఈ రోజుల్లో సక్సెస్ లెక్కలన్నీ మారిపోతున్నాయి. అత్యధిక థియేటర్లలో విడుదల చేస్తుండటం వల్ల సూపర్ హిట్ సినిమాలు 5 నుడి 6 వారాలు మించి ఆడటం కష్టమైపోతుంది. అంతకుమించి ఆడితే బ్లాక్ బస్టర్ హిట్ అన్నట్లే. ఈ రోజుల్లో 100 రోజుల వేడుకలు కూడా పూర్తిగా తగ్గిపోయాయి. కొత్త ట్రెండ్ ఆడియో విడుదల వేడుకనే 100 రోజుల వేడుక లాగా ఘనంగా, భారీగా నిర్వహిస్తున్నారు. కొద్ది రోజుల్లో ఈ 100 రోజుల వేడుకలు పూర్తిగా కనుమరుగయి పోతాయి అనడంలో ఎలాంటి సందేహం లేదు. ఈ వేడులకలన్ని ఎక్కువ భాగం అభిమానుల కోసం ఉంటాయి కాబట్టి వారి సరదాని ఆడియో విడుదల వేడుకలో తీరుస్తున్నారు.