ఎనర్జిటిక్ హీరో రామ్ పోతినేని నటిస్తున్న లేటెస్ట్ చిత్రం ‘ఆంధ్ర కింగ్ తాలూకా’ ఇప్పటికే ప్రేక్షకుల్లో సాలిడ్ బజ్ క్రియేట్ చేసింది. దర్శకుడు పి.మహేష్ బాబు డైరెక్ట్ చేసిన ఈ సినిమాలో రామ్ సరికొత్త లుక్స్‌తో ప్రేక్షకులను ఎంటర్‌టైన్ చేసేందుకు సిద్ధమవుతున్నాడు. ఇక ఈ సినిమా నుంచి తాజాగా సెకండ్ సింగిల్ సాంగ్‌ను మేకర్స్ రిలీజ్ చేశారు.
‘పప్పీ షేమ్’ అంటూ వచ్చిన ఈ క్రేజీ సాంగ్‌ను రామ్ పోతినేని స్వయంగా పాడాడు. ఇప్పటికే ఈ సినిమాలోని ఫస్ట్ సింగిల్ సాంగ్ కోసం రామ్ లిరిసిస్ట్ అవతారం ఎత్తాడు. ఇక ఇప్పుడు ఈ రెండో సాంగ్‌తో సింగర్‌గా మారాడు. భాస్కరభట్ల అందించిన లిరిక్స్‌ను వివేక్-మెర్విన్ ఫుల్ ఎనర్జీగా క్యాచీ ట్యూన్స్‌తో కంపోజ్ చేశారు. కాలేజీలో వచ్చే ఈ పాటలో రామ్ స్టెప్స్ కూడా అదిరిపోయాయి.
ఇక ఈ సినిమాలో ఆంధ్ర కింగ్‌గా కన్నడ స్టార్ ఉపేంద్ర నటిస్తున్నాడు. ఆయన అభిమానిగా రామ్ మనకు కనిపిస్తాడు. ఈ సినిమాలో అందాల భామ భాగ్యశ్రీ బొర్సె హీరోయిన్‌గా నటిస్తోండగా ఈ చిత్రాన్ని మైత్రీ మూవీ మేకర్స్ ప్రొడ్యూస్ చేస్తున్నారు. నవంబర్ 28న ఈ చిత్రాన్ని గ్రాండ్ రిలీజ్ చేసేందుకు మేకర్స్ రెడీ అయ్యారు.
వీడియో కోసం ఇక్కడ క్లిక్ చేయండి
