మెగాస్టార్ చిరంజీవి హీరోగా అనిల్ రావిపూడి దర్శకత్వంలో “మన శంకర వరప్రసాద్ గారు” అనే ఫుల్ కామెడీ ఎంటర్ టైనర్ రాబోతుంది. ఈ సినిమాలో మరో హీరో వెంకటేష్ కనిపించబోతున్న సంగతి తెలిసిందే. రేపటి నుంచి జరగబోయే షూట్ లో ‘వెంకీ – చిరు’ల పై ఓ కామెడీ ఎపిసోడ్ ను షూట్ చేయబోతున్నట్లు తెలుస్తోంది. ఇద్దరి హీరోలకు మంచి కామెడీ టైమింగ్ ఉంది. పైగా అనిల్ రావిపూడికి హాస్య దర్శకుడిగా గొప్ప సక్సెస్ ఉంది. మరి ఈ ముగ్గురి కలయికలో రాబోతున్న ఈ స్పెషల్ కామెడీ ఎపిసోడ్ ఎలా ఉండబోతుందో చూడాలి.
కాగా ఈ సినిమా గురించి మెగాస్టార్ ఆ మధ్య మాట్లాడుతూ.. ‘ఈ సినిమా పూర్తిస్థాయి వినోదాత్మక చిత్రమని.. ఈ మూవీ కథ తనకు నచ్చిందని చిరు ఆల్ రెడీ చెప్పారు. అన్నట్టు, అనిల్ రావిపూడి చెప్పే సీన్స్ గురించి కూడా మెగాస్టార్ చెబుతూ.. ‘సినిమాలో ఆయా సన్నివేశాల గురించి అనిల్ రావిపూడి నాకు చెబుతుంటే కడుపుబ్బా నవ్వుతున్నాను. ఈ సినిమా కచ్చితంగా అభిమానులకు నచ్చుతుంది’ అని మెగాస్టార్ చిరంజీవి తెలిపారు. ఇక సాహు గారపాటి, సుస్మిత (చిరంజీవి కుమార్తె) సంయుక్తంగా ఈ సినిమాని నిర్మిస్తారని చిరు తెలిపారు.
