కొన్నాళ్ల కితం తెలుగు సినిమా దగ్గర స్టార్ట్ అయ్యిన రీరిలీజ్ ల ట్రెండ్ ఎలా కొనసాగుతుందో ప్రత్యేకంగా చెప్పాల్సిన పని లేదు. మరి ఈ సినిమాలలో లేటెస్ట్ గా అనౌన్స్ అయ్యిన భారీ చిత్రమే “బాహుబలి”. తెలుగు సినిమా నుంచి మొత్తం ఇండియన్ సినిమాకే గేమ్ ఛేంజర్ గా నిలిచిన ఈ సినిమా ఈ ఏడాదితో పదేళ్లు పూర్తి చేసుకున్న సందర్భంగా మేకర్స్ మళ్ళీ ఆడియెన్స్ కి భారీ ట్రీట్ ఇచ్చేందుకు సిద్ధం అయ్యారు.
అయితే రాజమౌళి, ప్రభాస్ ల ఈ ఎపిక్ చిత్రం అక్టోబర్ 31న విడుదల కాబోతుండగా పార్ట్ 1, పార్ట్ 2 లని మేకర్స్ కలిపి చేస్తున్న విషయం తెలిసిందే. ఇలా బాహుబలి రెండు భాగాలూ కలిపి ‘బాహుబలి – ది ఎపిక్’ గా తీసుకొస్తుండగా ఈ సింగిల్ పార్ట్ చిత్రానికి షాకింగ్ రన్ టైం లాక్ అయినట్టుగా తెలుస్తుంది. దీనికి ఏకంగా 5 గంటల 20 నిమిషాలకి పైగా రన్ టైం ని లాక్ చేశారట. మరి ఇందులో ఎంతవరకు నిజం ఉందో వేచి చూడాలి.
