టాప్ డైరెక్టర్ శంకర్ తమిళ్లో తీస్తున్న ‘నన్బన్’ చిత్రం ఈ నెల 14న విడుదలవుతుంది. ఈ చిత్రాన్ని తెలుగులో ‘స్నేహితుడు’ పేరుతో దిల్ రాజు విడుదల చేయబోతున్నారు. స్నేహితుడు చిత్రాన్ని ఈ నెల 26న విడుదల చేయడానికి సన్నాహాలు చేస్తున్నారు. ఇదిలా ఉండగా ప్రస్తుతం స్నేహితుడు చిత్రానికి సంబందించిన డబ్బింగ్ కార్యక్రమాలు జరుగుతున్నాయి. హీరో విజయ్ పాత్రకు ప్రముఖ గాయకుడు హేమచంద్ర డబ్బింగ్ చెప్పారు. 8 మందిని స్వర పరీక్ష చేసాక చివరికి హేమచంద్రని ఎంచుకోవడం జరిగింది. ఈ రోజు నుండి హీరో శ్రీరామ్ తనే స్వయంగా డబ్బింగ్ చెప్పనున్నారు. మరి కొంత మంది నటులు ఇంకా డబ్బింగ్ చెప్పాల్సి ఉంది. తెలుగులో జీవా పాత్ర పేరు ‘నిఖిల్’. ఈ చిత్ర మొదటి భాగం తెలుగు నేటివిటీకి తగ్గట్లుగా కొన్ని సన్నివేశాలు ఎడిట్ చేసి కుదించారు. శంకర్ గత చిత్రాలు తమిళ్ కంటే తెలుగులో భారీ విజయాలు సాధించాయి. ఈ చిత్రం ఏ మేరకు విజయం సాధిస్తుందో వేచి చూద్దాం.