యంగ్ టైగర్ ఎన్టీఆర్ నటించే తరువాతి చిత్రం ‘దమ్ము’ శరవేగంగా షూటింగ్ జరుపుకుంటుంది. బోయపాటి శ్రీను చాలా జాగ్రత్తగా చిత్రీకరిస్తున్నట్లు సమాచారం. విశ్వసనీయ వర్గాల సమాచారం ప్రకారం దమ్ము చిత్రం చెల్లెలు సెంటిమెంట్ తో తెరకెక్కుతున్నట్లు సమాచారం. ఎన్టీఆర్ చెల్లెలుగా అభినయ నటిస్తుండగా బావగా స్వయంవరం హీరో వేణు తొట్టెంపూడి నటిస్తున్నాడు. ఎన్టీఆర్ తల్లిగా భానుప్రియ నటిస్తున్నారు. త్రిషా మరియు కార్తీక హీరోయిన్లుగా నటిస్తుండగా ఎమ్.ఎమ్ కీరవాణి సంగీతం అందిస్తున్నారు. అలెగ్సాన్ఢర్ వల్లభ నిర్మిస్తున్న ఈ చిత్రాన్ని వచ్చే ఏడాది వేసవిలో విడుదల  చేయడానికి సన్నాహాలు చేస్తున్నారు.