పవర్ స్టార్ పవన్ కళ్యాణ్ హీరోగా ప్రియాంక అరుళ్ మోహన్ హీరోయిన్ గా దర్శకుడు సుజీత్ తెరకెక్కించిన లేటెస్ట్ అవైటెడ్ చిత్రమే ‘ఓజి’. భారీ హైప్ ని సొంతం చేసుకున్న ఈ సినిమాకి తెలుగు రాష్ట్రాల్లో ఊహించని ఓపెనింగ్స్ వచ్చే ఛాన్స్ గట్టిగా ఉంది. కానీ ఈ సినిమాకి మాత్రం ఆ హైప్ కి తగ్గ పాన్ ఇండియా రిలీజ్ అయితే లేనట్టే అని అనుకోవాలి.
మొదటి నుంచీ ఈ పర్టిక్యులర్ ప్రాజెక్ట్ కి భారీ హైప్ ఇప్పుడు ఉంది. అందులో భాగంగానే తెలుగు సహా హిందీ, తమిళ్ రిలీజ్ లు కూడా మేకర్స్ కన్ఫర్మ్ చేశారు. కానీ ఇప్పుడు రిలీజ్ కి ఇంకా 4 రోజులే ఉంది అయినప్పటికీ తెలుగు మినహా మిగతా భాషల విషయంలో మేకర్స్ పెద్దగా పట్టించుకున్నట్టు ఆనవాళ్లు కనిపించడం లేదు. వస్తున్న ట్రైలర్ అప్డేట్స్, పోస్టర్స్ లో కూడా ఎక్కడా తెలుగు, తమిళ్, హిందీ అని కూడా మెన్షన్ చేయడం లేదు. సో ఫైనల్ గా ఓజి కేవలం తెలుగు ఆడియెన్స్ వరకు మాత్రమే పరిమితం అయ్యిందని చెప్పవచ్చు.