బాలీవుడ్‌లో సీక్వెల్ చిత్రాలు ప్రత్యేక క్రేజ్ ఉంటుంది. ఇక ఈ కోవలోనే తెరకెక్కిన లేటెస్ట్ సీక్వెల్ చిత్రం ‘సన్ ఆఫ్ సర్దార్ 2’. హీరో అజయ్ దేవ్గన్ లీడ్ రోల్‌లో నటించిన ఈ సినిమాను విజయ్ కుమార్ అరోరా డైరెక్ట్ చేయగా ఇందులో భారీ తారాగణం నటిస్తున్నారు. ఇక ఇప్పటికే ఈ చిత్ర ప్రమోషనల్ కంటెంట్ ప్రేక్షకులను ఆకట్టుకోవడంలో సక్సెస్ అయింది.
అయితే, ఈ చిత్రాన్ని మంచి అంచనాల మధ్య జూలై 25న గ్రాండ్ రిలీజ్ చేస్తున్నట్లు చిత్ర ఇప్పటికే ప్రకటించింది. కానీ, ఇప్పుడు ఈ రిలీజ్ డేట్‌ను మేకర్స్ వాయిదా వేశారు. ఈ చిత్రాన్ని వారం రోజుల తర్వాత ఆగస్టు 1న వరల్డ్‌వైడ్‌గా గ్రాండ్ రిలీజ్ చేస్తున్నట్లు చిత్ర యూనిట్ అధికారికంగా ప్రకటించారు.
ఇక ఈ సినిమాలో అజయ్ దేవ్గన్‌తో పాటు మృణాల్ ఠాకూర్, రవి కిషన్, సంజయ్ మిశ్రా, నీరూ బాజ్వా, చంకీ పాండే తదితరులు నటిస్తున్నారు. మరి ఈ చిత్రానికి బాక్సాఫీస్ దగ్గర ఎలాంటి రెస్పాన్స్ వస్తుందో తెలియాలంటే ఆగస్టు 1 వరకు వెయిట్ చేయాల్సిందే.