సిద్దార్థ్, హన్సికలు జంటగా నటిస్తున్న ‘సంథింగ్….సంథింగ్’ సినిమా ఆడియో ఆవిష్కరణ వేడుక ఈ నెల 12న హైదరాబాద్లో జరగనుంది. సుందర్ సి ఈ సినిమాకు దర్శకుడు. కుష్బూ నిర్మాత. ఈ చిత్రం యొక్క తెలుగు అనువాద హక్కులను లక్ష్మీ గణపతి ఫిల్మ్స్ సంస్థ సొంతం చేసుకుంది. ఈ కామెడీ ఎంటర్టైనర్లో గణేష్ వెంకటరామన్, బ్రహ్మానందం కూడా నటిస్తున్నారు. సినిమా చిత్రీకరణ చాలా భాగం హైదరాబాద్, చెన్నైలలోనే జరిగినా, ఇటీవలే ఈ సినిమా షూటింగ్ జపాన్ లో ముగించుకుంది. ‘ఓ మై ఫ్రెండ్’ సినిమాకోసం కలిసి పనిచేసిన సిద్దార్థ్, హన్సికలు ఈ సినిమాకోసం మరోసారి కలిసి పనిచేస్తున్నారు. సిద్దార్ద్ ఇప్పటికే డబ్బింగ్ పనులు ముగించుకోగా, పోస్ట్ ప్రొడక్షన్ పనులు శరవేగంగా సాగుతున్నాయి. ఈ సినిమాలో హీరో, హీరొయిన్లు ఇద్దరూ సాఫ్ట్ వేర్ ఇంజనీర్లుగా కనిపిస్తారు. జూన్ లో విడుదలకు ఈ చిత్రం సిద్ధంగావుంది.