మాస్ మహారాజ రవితేజ – శ్రుతి హాసన్ జంటగా నటిస్తున్న మాస్ యాక్షన్ ఎంటర్టైనర్ ‘బలుపు’. అంజలి సెకండ్ హీరోయిన్ గా నటిస్తున్న ఈ సినిమాలోని ఓ పాటని రామోజీ ఫిల్మ్ సిటీలో షూట్ చేస్తున్నారు. రవితేజ – శ్రుతి హాసన్ పై షూట్ చేస్తున్న ఈ పాట ‘పాతికేళ్ళ చిన్నదీ’ అని మొదలవుతుంది, ఈ పాటకి రాజు సుందరం కొరియోగ్రఫీ చేస్తున్నాడు. ఈ సినిమాలో మొదటిసారి శృతి హాసన్ ఫుల్ గ్లామరస్ పాత్రలో కనిపించనుందని మేము ఇది వరకే తెలియజేశాము. రవితేజని ‘డాన్ శీను’ గా చూపించిన గోపీచంద్ మలినేని డైరెక్ట్ చేస్తున్న ఈ సినిమాకి ప్రసాద్ వి పొట్లూరి నిర్మాత. ఎస్.ఎస్ థమన్ సంగీతం అందిస్తున్న ఈ సినిమా మే లో ప్రేక్షకుల ముందుకు వచ్చే అవకాశం ఉంది.