ఫ్యామిలీ హీరో శ్రీకాంత్ హీరోగా రానున్న సినిమా ‘దేవరాయ’. ఈ సినిమా డిసెంబెర్ 7న ప్రేక్షకుల ముందుకు రానుంది. ఈ సందర్భంగా ప్రెస్ మీట్ ఏర్పాటు చేసారు. అందులో శ్రీ కాంత్ మాట్లాడుతూ ‘ మనం ఎన్నో సినిమాలు చేస్తుంటాం కానీ అందులో కొన్ని సినిమాలను మాత్రమే ఎంతో ఇష్టపడి, ప్రాణం పెట్టి చేస్తాము, అలాంటి సినిమానే దేవరాయ. ఏదైనా కొత్త కథ తీసుకురా అంటే నాని కృష్ణ ఈ కథ చెప్పాడు, ఓకే అన్నాను కానీ ఎదో తెలియని భయం ఎందుకంటే గతంలో శ్రీ కృష్ణదేవరాయల పాత్రని ఎన్.టి.ఆర్, ఎస్.వి.ఆర్ లాంటి నట దిగ్గజాలు చేసారు కావున ముందుగా నేను ఒక ఫోటో షూట్ చేసుకున్నాను. అలా నన్ను నేను చెక్ చేసుకున్న తర్వాతే నాకు ఈ పాత్ర చేయడానికి ధైర్యం వచ్చిందని’ అన్నాడు. విదిష, మీనాక్షి దీక్షిత్ హీరోయిన్లుగా నటించారు. జక్కంశెట్టి కిరణ్ కుమార్, నాని కృష్ణ సంయుక్తంగా నిర్మించిన ఈ సినిమాకి చక్రి సంగీతం అందించాడు.