ఆర్ ఎక్స్ 100 చిత్రంతో సెన్సేషన్ హాట్ బ్యూటీగా మంచి గుర్తింపు తెచ్చుకున్న పాయల్ రాజ్ పూత్ ప్రముఖ దర్శకుడు జయంత్ సి పరాన్జి తెరకెక్కిస్తోన్న ‘నరేంద్ర’లో నటిస్తున్న సంగతి తెలిసిందే. ఈ సినిమాలో ఆమె ఇండియన్ ఫస్ట్ ఫీమేల్ ఫైటర్ పైలట్ గా ఒక ప్రత్యేకమైన పాత్ర పోషిస్తుంది. ఆమె పాత్రకు సంబంధించిన షూట్ ఇప్పటికే పూర్తయింది. అయితే పాయల్ సీన్స్ చాల బాగా వచ్చాయట. ఇక ఒక అమాయకుడైన భారతీయ బాక్సర్ పాకిస్థాన్ జైలులో ఎలా బందీ అయ్యాడు అక్కడి నుండి ఎలా తప్పించుకుని బయట పడ్డాడు అనే థ్రిల్లింగ్ కాన్సెప్ట్ తో హై ఓల్టేజ్ యాక్షన్ థ్రిల్లర్ గా ఈ ‘నరేంద్ర’ తెరకెక్కుతోంది. చివరి దశ చిత్రీకరణ జరుపుకుంటున్న ఈ చిత్రం సమ్మర్ రిలీజ్ కి సిద్దం అవుతోంది.
కాగా ఈ సినిమాతో హీరోగా పరిచయం అవుతున్న నీలేష్ పాకిస్థాన్ జైల్ లో ఖైదీ అయిన మాజీ బాక్సర్ గా నటిస్తున్నారు. ఇక బ్రెజిలియన్ బ్యూటీ ఇసాబెల్లా లియేటి స్వేఛ్చా పోరాటానికి మద్దతు ఇచ్చే మానవ హక్కుల కార్యకర్త పాత్ర పోషిస్తుంది. అలాగే భారత ఖైదీలను రక్షించే ప్రయత్నంలో తనను తాను త్యాగం చేసుకునే ఆఫ్ఘన్ ఖైదీ గా ఫేమస్ W.W.E స్టార్ ద గ్రేట్ ఖలి నటిస్తున్నారు. ప్రేమించుకుందాం రా, ప్రేమంటే ఇదేరా, బావగారూ బాగున్నారా, లక్ష్మి నరసింహా, టక్కరి దొంగ, ఈశ్వర్, శంకర్ దాదా ఎంబిబిఎస్, వంటి ఎన్నో కమర్షియల్ హిట్స్ ఇచ్చిన దర్శకుడు జయంత్ సి పరాన్జి ఈ సారి యాక్షన్ థ్రిల్లర్ తో రాబోతున్నాడు.